മാള: മദ്‌റസ മാനേജ്‌മെന്റ് അസോസിയേഷന്‍ തൃശൂര്‍ ജില്ലാ കമ്മിറ്റിയുടെ ആഭിമുഖ്യത്തില്‍ സംഘടിപ്പിക്കുന്ന മികവ് 2022 റെയ്ഞ്ച് പര്യടന യാത്രക്ക് മാള റെയ്ഞ്ച് കമ്മിറ്റി സ്വീകരണം നല്‍കി. മാള ടൗണ്‍ മദ്‌റസയില്‍ നടന്ന സംഗമം എംഎംഎ ജില്ലാ പ്രസിഡന്റ് ത്രീസ്റ്റാര്‍ കുഞ്ഞുമുഹമ്മദ് ഹാജി ഉദ്ഘാടനം ചെയ്തു.
വാടാനപ്പിള്ളി വാഫി കോളേജ് പ്രിന്‍സിപ്പാള്‍ ഷഫീഖ് റഹ്മാനി വിഷയാവതരണം നടത്തി. എംഎംഎ റെയ്ഞ്ച് പ്രസിഡന്റ് എ കെ വീരാവു മാമ്പ്ര അദ്ധ്യക്ഷത വഹിച്ചു. മാള മഹല്ല് ഇമാം സുബൈര്‍ മന്നാനി പ്രാര്‍ത്ഥന നടത്തി. റെയ്ഞ്ച് സെക്രട്ടറി ഫൈസല്‍ ബദരി, പരീക്ഷാ ബോര്‍ഡ് ചെയര്‍മാന്‍ മുഹമ്മദ് കോയ ബാഖവി, മാള മഹല്ല് പ്രസിഡന്റ് എ എ അഷ്‌റഫ്, എസ് ബി വി കണ്‍വീനര്‍ ജുറൈജ് ഫൈസി, ഐ ടി കോ ഓഡിനേറ്റര്‍ നജീബ് അന്‍സാരി തുടങ്ങിയവര്‍ സംസാരിച്ചു. എംഎംഎ റെയ്ഞ്ച് സെക്രട്ടറി മുഹമ്മദ് കുട്ടി ചാലക്കുടി സ്വാഗതവും ട്രഷറര്‍ അബ്ദുല്‍ മജീദ് കാരൂര്‍ നന്ദിയും പറഞ്ഞു.