ജെസിബിയും ബൊലേറോയും കൂട്ടിയിടിച്ചു; റോഡരികില്‍ നിന്ന യുവാവ് രക്ഷപ്പെട്ടത് തലനാരിഴക്ക്
ജെസിബിയും, മഹീന്ദ്ര ബൊലേറോയുമാണ് അപകടത്തില്‍പെട്ടത്. ദേശീയപാതയില്‍ കരിങ്കല്ലത്താണി തോടുകാപ്പില്‍ വെച്ചാണ് അപകടം.
മലപ്പുറം: കോഴിക്കോട് പാലക്കാട് ദേശീയ പാതയില്‍ വാഹനാപകടം. റോഡരികില്‍നിന്ന യുവാവും വാഹനങ്ങളിലുണ്ടായിരുന്നവരും അല്‍ഭുതകരമായി രക്ഷപ്പെട്ടു. ജെസിബിയും, മഹീന്ദ്ര ബൊലേറോയുമാണ് അപകടത്തില്‍പെട്ടത്. ദേശീയപാതയില്‍ കരിങ്കല്ലത്താണി തോടുകാപ്പില്‍ വെച്ചാണ് അപകടം. റോഡരികില്‍ നിര്‍ത്തിയിട്ടിരുന്ന ബൈക്ക് യാത്രികന്‍ അപകടത്തില്‍ നിന്ന് തലനാരിഴക്കാണ് രക്ഷപ്പെട്ടത്.
ബ്രേക്ക് നഷ്ട്ടപ്പെട്ട ജെസിബി നിയന്ത്രണം വിട്ട് എതിരെ വന്ന ബൊലേറോയുമായി കൂട്ടിയിടിക്കുകയായിരുന്നു. ഇടിയുടെ ആഘാതത്തില്‍ നിയന്ത്രണം വിട്ട ബൊലേറോ നിര്‍ത്തിയിട്ട ബൈക്ക് യാത്രികനെ വീഴ്ത്തിയാണ് നിന്നത്. പനാംകുന്ന് സ്വദേശി സാലിമാണ് അദ്ഭുദകരമായി രക്ഷപ്പെട്ട ബൈക്ക് യാത്രക്കാരന്‍. മഹീന്ദ്ര ബൊലേറോയിലെ യാത്രികര്‍ നിസാര പരിക്കുകളോടെ രക്ഷപ്പെട്ടു. ജെസിബി രൈവറെയും ചെറിയ പരിക്കുകളോടെ സ്വകാര്യ ആശുപത്രിയില്‍ പ്രവേശിപ്പിച്ചു. ബ്രേക്ക് നഷ്ട്ടപ്പെട്ട ജെസിബി മരത്തിലിടിച്ചു നിര്‍ത്താന്‍ ശ്രമിക്കുന്നതിനിടെയാണ് അപകടം.