തിരൂര്‍ റെയില്‍വെ സ്‌റ്റേഷനില്‍ ട്രെയിനില്‍ നിന്ന് വീണ സ്ത്രീയെ രക്ഷപെടുത്തി ആര്‍പിഎഫ് ഉദ്യോഗസ്ഥന്‍
മലപ്പുറം: തിരൂര്‍ റെയില്‍വെ സ്‌റ്റേഷനില്‍ ട്രെയിനില്‍ നിന്ന് വീണ സ്ത്രീയെ രക്ഷപെടുത്തി ആര്‍പിഎഫ് ഉദ്യോഗസ്ഥന്‍. ഓടിത്തുടങ്ങിയ ട്രെയിനില്‍ നിന്ന് താഴെ വീണ സ്ത്രീയാണ് രക്ഷപ്പെട്ടത്. ട്രെയിനില്‍ കയറാന്‍ ശ്രമിക്കുന്നതിനിടെയാണ് അപകടം നടന്നതെന്നാണ് വിവരം. ട്രെയിനിനും പ്ലാറ്റ്‌ഫോമിനും ഇടയില്‍ താഴേക്ക് കാല്‍ പോയി വീഴാന്‍ തുടങ്ങിയ സ്ത്രീയെ ആര്‍പിഎഫ് കോണ്‍സ്റ്റബിള്‍ ഇഎസ് സുരേഷ് കുമാര്‍ പുറകില്‍ നിന്നും പിടിച്ച് രക്ഷപ്പെടുത്തുകയായിരുന്നു. പിന്നീട് ഇതേ ട്രെയിനില്‍ സ്ത്രീ യാത്ര ചെയ്തു. സിസിടിവി ദൃശ്യങ്ങള്‍ പുറത്തായതോടെയാണ് ദാരുണമായ അപകടം സമയോചിതമായ ഇടപെടലിലൂടെ ഒഴിവാക്കിയ സുരേഷ് കുമാറിന്റെ പ്രവര്‍ത്തനം അഭിനന്ദിക്കപ്പെടുന്നത്.