എസ്ഡിപിഐ മെമ്പര്‍ഷിപ്പ് കാംപയിന്‍ ഉദ്ഘാടനം ചെയ്തു
എസ്ഡിപിഐ എറണാകുളം ജില്ലാ കമ്മിറ്റി ഒക്ടോബര്‍ 20 മുതല്‍ നവംബര്‍ 10 വരെ നടത്തുന്ന മെമ്പര്‍ഷിപ്പ് കാംപയിന്റെ ജില്ലാ തല ഉത്ഘാടനം എ ഐ റ്റി യു സി മല്‍സ്യ തൊഴിലാളി യൂനിയന്‍ മുന്‍ ജില്ലാ സെക്രട്ടറിയായിരുന്ന റഹീം വരാപ്പുഴക്ക് മെമ്പര്‍ഷിപ്പ് നല്‍കി എസ്ഡിപിഐ ജില്ലാ സെക്രട്ടറി അജ്മല്‍ കെ മുജീബ് നിര്‍വഹിച്ചു
കൊച്ചി:'നാടിന് കാവലാവുക,നിര്‍ഭയ രാഷ്ട്രീയത്തില്‍ അംഗമാവുക'എന്ന മുദ്രാവാക്യമുയര്‍ത്തി എസ്ഡിപിഐ എറണാകുളം ജില്ലാ കമ്മിറ്റി ഒക്ടോബര്‍ 20 മുതല്‍ നവംബര്‍ 10 വരെ നടത്തുന്ന മെമ്പര്‍ഷിപ്പ് കാംപയിന്റെ ജില്ലാ തല ഉത്ഘാടനം എ ഐ റ്റി യു സി മല്‍സ്യ തൊഴിലാളി യൂനിയന്‍ മുന്‍ ജില്ലാ സെക്രട്ടറിയായിരുന്ന റഹീം വരാപ്പുഴക്ക് മെമ്പര്‍ഷിപ്പ് നല്‍കി എസ്ഡിപിഐ ജില്ലാ സെക്രട്ടറി അജ്മല്‍ കെ മുജീബ് നിര്‍വഹിച്ചു.
വിവിധ പാര്‍ട്ടികളില്‍ നിന്ന് എസ്ഡിപിഐയിലേക്ക് കടന്നു വന്ന ഷെമീര്‍ വലിയപറമ്പില്‍,സജീര്‍ ചേരാനല്ലൂര്‍,ഫാസില്‍ പയ്യപ്പിള്ളി എന്നിവരും മെമ്പര്‍ഷിപ്പ് സ്വീകരിച്ചു.ധ്രുവീകരണ രാഷ്ട്രീയത്തെ സഹായിക്കുന്ന ഇരുമുന്നണികളുടെയും ജന വഞ്ചനയില്‍ പ്രതിഷേധിച്ച് വരും ദിവസങ്ങളില്‍ നിരവധിപേര്‍ പാര്‍ട്ടിയിലേക്ക് കടന്നു വരുമെന്നും നിര്‍ഭയ രാഷ്ട്രീയത്തെ ശക്തിപ്പെടുത്താന്‍ ജനാധിപത്യ വിശ്വാസികള്‍ എസ് ഡി പി ഐയില്‍ അണിചേരുമെന്നും അദ്ദേഹം പറഞ്ഞു.
ജില്ലാ ഖജാന്‍ജി നാസര്‍ എളമന, എസ്ഡിറ്റിയു ജില്ല പ്രസിഡന്റ് റഷീദ് എടയപ്പുറം, ജില്ലാ കമ്മിറ്റി അംഗങ്ങളായ ഷാനവാസ് പുതുക്കാട്, ഷിഹാബ് പടനാട്ട്,സലിം ചേരാനല്ലൂര്‍ പങ്കെടുത്തു.