ഒമാന്‍: സോഷ്യല്‍ ഫോറം സൗജന്യ മെഡിക്കല്‍ ക്യാമ്പും ഉദരരോഗ പരിശോധനയും നാളെ
മസ്കറ്റ്: ഇന്ത്യന്‍ സ്വാതന്ത്ര്യദിനാചരണ ആഘോഷങ്ങളുടെ ഭാഗമായി സോഷ്യല്‍ ഫോറം ഒമാനും ആസ്റ്റര്‍ റോയല്‍ ഹോസ്പിറ്റലും സംയുക്തമായി സൗജന്യ മെഡിക്കല്‍ ക്യാമ്പും ഉദരരോഗ പരിശോധനയും നടത്തുന്നു.
2022 ആഗസ്റ്റ് 26 വെള്ളിയാഴ്ച വൈകുന്നേരം 4.30 മുതല്‍ 6 മണി വരെ ഗോബ്ര അല്‍ റഫ സെന്‍ട്രല്‍ ഓഫ് എക്‌സലന്‍സ് ബില്‍ഡിങ്ങില്‍വച്ചാണ് ക്യാമ്പ് നടത്തുന്നത്. ക്യാമ്പില്‍ മുഴുവന്‍ പ്രാവസികളും പങ്കെടുക്കണമെന്ന് സോഷ്യല്‍ ഫോറം ഭാരവാഹികള്‍ അഭ്യര്‍ത്ഥിച്ചു.
ഈ പരിപാടിയില്‍ പങ്കെടുക്കുന്ന ആദ്യ 100 പേര്‍ക്ക് ആസ്റ്റര്‍ ഹോസ്പിറ്റല്‍ പ്രിവിലേജ് കാര്‍ഡ് നല്‍കും. കൂടുതല്‍ വിവരങ്ങള്‍ക്ക് 98273031ല്‍ ബന്ധപ്പെടാം.