ചെന്നൈ: മലയാളികള്‍ക്ക് ഓണാശംസകള്‍ നേര്‍ന്ന് തമിഴ്‌നാട് മുഖ്യമന്ത്രി എം കെ സ്റ്റാലിന്. സ്‌നേഹത്തിന്റെയും ഐക്യത്തിന്റെയും അടയാളമാണ് ഓണം, ആരോഗ്യത്തോടെയും അഭിവൃദ്ധിയോടെയും ജീവിക്കാന്‍ എല്ലാവര്‍ക്കും കഴിയട്ടെയെന്ന് അദ്ദേഹം ആശംസിച്ചു. തമിഴ്‌നാട്ടില്‍ താമസിക്കുന്ന എല്ലാ മലയാളികള്‍ക്കും സ്റ്റാലിന് പ്രത്യേക ഓണാശംസ അറിയിച്ചു.
അടുത്തിടെ നടന്ന ഒരു സര്‍വേ പ്രകാരം രാജ്യത്തെ മികച്ച മുഖ്യമന്ത്രിയായി സ്റ്റാലിനാണ് തിരഞ്ഞെടുക്കപ്പെട്ടത്. സര്‍വേയില്‍ പങ്കെടുത്ത 42% പേരുടെ പിന്തുണയാണ് സ്റ്റാലിന് ലഭിച്ചത്.