ടീസ്ത സെതല്‍വാദ് അറസ്റ്റ്: ഫാഷിസം സത്യത്തെ ഭയക്കുന്നുവെന്ന് യൂത്ത് ലീഗ് ദേശീയ കമ്മിറ്റി
കോഴിക്കോട്: ഭരണഘടനയുടെ അടിസ്ഥാനങ്ങളും പൗരന്മാരുടെ മൗലികാവകാശങ്ങളും ഇന്ത്യയില്‍ അനുദിനം ബുള്‍ഡോസര്‍ ചെയ്യപ്പെടുകയാണെന്നും അതിന്റെ ഏറ്റവും പുതിയ ഉദാഹരണംമാണ് ടീസ്ത സെറ്റില്‍വാദെന്നും ദേശീയ യൂത്ത് ലീഗ് ജനറല്‍ സെക്രട്ടറി അഡ്വ. ഫൈസല്‍ ബാബു.
മുതിര്‍ന്ന പത്രപ്രവര്‍ത്തകയും ഗുജറാത്തിലെ വര്‍ഗീയ കലാപത്തിന് ഇരയായവരുടെ നിര്‍ഭയ പോരാളിയുമായ ടീസ്തയുടെ അറസ്റ്റ് അന്യായമാണെന്ന് അദ്ദേഹം കുറ്റപ്പെടുത്തി. നുണയും വെറുപ്പുമാണ് സംഘ്പരിവാറിന്റെ ഇന്ധനം. സത്യവും നീതിയും അവര്‍ക്ക് ഭയമാണ്. നേര് പറയുന്നവരെ കുറ്റവാളികളായി കണക്കാക്കുന്നത് ആര്‍എസ്എസ് ഭരണത്തിന് കീഴിലുള്ള ഒരു പതിവാണ്. പക്ഷേ പൊരുതാന്‍ തീരുമാനിച്ചവര്‍ പിന്‍മടങ്ങില്ലെന്നും അദ്ദേഹം ഓര്‍മപ്പെടുത്തി.