മാള: അമിത വേഗതയിലെത്തിയ ബൈക്ക് നിയന്ത്രണം തെറ്റി കലുങ്കില്‍ ഇടിച്ച് യാത്രികരായ രണ്ട് യുവാക്കള്‍ക്ക് ഗുരുതര പരിക്ക്. ആനന്ദപുരം ചിറ്റിലപിള്ളി തോമസിന്റെ മകന്‍ ക്ലിയോ (21), സുഹൃത്ത് ഡിയോണ്‍ (21) എന്നിവര്‍ക്കാണ് പരിക്കേറ്റത്. ഇവരെ ചാലക്കുടിയിലെ സ്വകാര്യ ആശുപത്രിയില്‍ പ്രവേശിപ്പിച്ചു.
കൊടകര- കൊടുങ്ങല്ലൂര്‍ സംസ്ഥാന പാതയിലെ കുഴിക്കാട്ടുശേരിയില്‍ ചൊവ്വാഴ്ച രാത്രിയിലാണ് സംഭവം. അപകടത്തില്‍പ്പെട്ട ബൈക്കും യാത്രികരുടെ വസ്ത്രങ്ങളും പാതക്കരികില്‍ കിടക്കുന്നുണ്ട്. മാള, ആളൂര്‍ പോലിസ് സ്‌റ്റേഷനുകള്‍ അതിര്‍ത്തി പങ്കിടുന്ന സ്ഥലമാണിത്. ഇരു സ്‌റ്റേഷനുകളില്‍ നിന്നും ആരും എത്തിയില്ലന്ന് നാട്ടുകാര്‍ പറയുന്നു.