കയ്യേറ്റം ചെയ്ത യുവാവിന്റെ മുഖത്തടിച്ച് നടി ഖുശ്ബുവിന്റെ മറുപടി
മോശമായി പെരുമാറിയ യുവാവിനെതിരേ പ്രതികരിച്ച ഖുശ്ബുവിന് സോഷ്യല്‍ മീഡിയയില്‍ അഭിനന്ദന പ്രവാഹമാണ് നല്‍കുന്നത്. ഇന്ത്യയിലെ മീടു കാംപയിന് പൂര്‍ണ പിന്തുണ നല്‍കിയ താരങ്ങളില്‍ ഒരാളാണ് ഖുശ്ബു.
ബംഗളുരു: കര്‍ണാടകയില്‍ കോണ്‍ഗ്രസിനു വേണ്ടി പ്രചരണത്തിനെത്തിയ നടിയും പാര്‍ട്ടി നേതാവുമായ ഖുശ്ബുവിനെതിരേ കയ്യേറ്റം. തിരക്കിനിടയില്‍ ഒരാള്‍ ഖുശ്ബുവിനെ കയറിപിടിക്കുകയായിരുന്നു. ഉടന്നെതന്നെ താരം തിരിഞ്ഞ് നിന്ന് യുവാവിന്റ മുഖത്തടിച്ചു. ബംഗളൂരു സെന്‍ട്രലിലെ കോണ്‍ഗ്രസ് സ്ഥാനാര്‍ത്ഥി റിസ്‌വാന്‍ അര്‍ഷാദിന്റെ തിരഞ്ഞെടുപ്പ് പ്രചാരണ റാലിയില്‍ പങ്കെടുക്കാനായി എത്തിയതായിരുന്നു ഖുശ്ബു. ആള്‍ക്കൂട്ടത്തിനിടയിലൂടെ കടന്നു പോകുന്നതിനിടെയാണ് നടിക്ക് നേരെ ഈ മോശം പെരുമാറ്റം ഉണ്ടായത്. തെന്നിന്ത്യയിലെ താരറാണിയായിരുന്നു ഖുശ്ബു 2014ലാണ് കോണ്‍ഗ്രസില്‍ ചേരുന്നത്.
സംഭവം നടന്ന ഉടന്‍ സോഷ്യല്‍ മീഡിയയില്‍ വൈറലായി. മോശമായി പെരുമാറിയ യുവാവിനെതിരേ പ്രതികരിച്ച ഖുശ്ബുവിന് സോഷ്യല്‍ മീഡിയയില്‍ അഭിനന്ദന പ്രവാഹമാണ് നല്‍കുന്നത്. ഇന്ത്യയിലെ മീടു കാംപയിന് പൂര്‍ണ പിന്തുണ നല്‍കിയ താരങ്ങളില്‍ ഒരാളാണ് ഖുശ്ബു.