ഡല്‍ഹിയില്‍ കോണ്‍ഗ്രസ് ആറു സ്ഥാനാര്‍ഥികളെ പ്രഖ്യാപിച്ചു
ഡല്‍ഹി മുന്‍ മുഖ്യമന്ത്രിയും സംസ്ഥാന കോണ്‍ഗ്രസ് അധ്യക്ഷയുമായ ഷീല ദീക്ഷിത് നോര്‍ത്ത് ഈസ്റ്റ് ഡല്‍ഹിയില്‍ നിന്നാണ് മല്‍സരിക്കുന്നത്
ന്യൂഡല്‍ഹി: ഡല്‍ഹിയില്‍ കോണ്‍ഗ്രസ് ആറ് സ്ഥാനാര്‍ഥികളെ പ്രഖ്യാപിച്ചു. ചാന്ദ്‌നി ചൗക്ക്, നോര്‍ത്ത് ഈസ്റ്റ് ഡല്‍ഹി, ഈസ്റ്റ് ഡല്‍ഹി, ന്യൂ ഡല്‍ഹി, നോര്‍ത്ത് വെസ്റ്റ് ഡല്‍ഹി, വെസ്റ്റ് ഡല്‍ഹി എന്നീ മണ്ഡലങ്ങളിലെ സ്ഥാനാര്‍ഥികളെയാണ് പ്രഖ്യാപിച്ചത്. ഡല്‍ഹി മുന്‍ മുഖ്യമന്ത്രിയും സംസ്ഥാന കോണ്‍ഗ്രസ് അധ്യക്ഷയുമായ ഷീല ദീക്ഷിത് നോര്‍ത്ത് ഈസ്റ്റ് ഡല്‍ഹിയില്‍ നിന്നാണ് മല്‍സരിക്കുന്നത്. ന്യൂഡല്‍ഹിയില്‍ അജയ് മാക്കനും ചാന്ദ്‌നി ചൗക്കില്‍ നിന്ന് ജെപി അഗര്‍വാളും ഈസ്റ്റ് ഡല്‍ഹില്‍ നിന്ന് അരവിന്ദര്‍ സിങ് ലവ്‌ലിയും വെസ്റ്റ് ഡല്‍ഹിയില്‍ മഹാബല്‍ ശര്‍മയും നോര്‍ത്ത് വെസ്റ്റ് ഡല്‍ഹിയില്‍ രാജേഷ് ലിലോതിയയും ജനവിധി തേടും. ആം ആദ്മി പാര്‍ട്ടിയുമായുള്ള സീറ്റ് തര്‍ക്കം കാരണം ഇരുപാര്‍ട്ടികളും സഖ്യ സാധ്യത അവസാനിച്ചതിനാലാണ് കോണ്‍ഗ്രസ് സ്ഥാനാര്‍ഥികളെ പ്രഖ്യാപിച്ചത്.