മന്‍ കി ബാത്ത് കഴിഞ്ഞു; ഇനി ജന്‍ കി ബാത്ത്: അഹ്മദ് പട്ടേല്‍
ഇനി ജനങ്ങള്‍ പറയും, ഞങ്ങള്‍ കേള്‍ക്കുമെന്നും പട്ടേല്‍ പറഞ്ഞു.
ന്യൂ ഡല്‍ഹി: പ്രധാനമന്ത്രി നരേന്ദ്രമോദിയുടെ മന്‍ കി ബാത്ത് കഴിഞ്ഞെന്നും ഇനി ജനങ്ങളുടെ ജന്‍ കി ബാത്താണെന്നും മുതിര്‍ന്ന കോണ്‍ഗ്രസ് നേതാവ് അഹ് മദ് പട്ടേല്‍. മോദിയുടെ മന്‍ കി ബാത്ത് മാര്‍ച്ച്, ഏപ്രില്‍ മാസങ്ങളില്‍ ഉണ്ടാവില്ലെന്നും മെയ് അവസാന വാരം ഉണ്ടാവുമെന്നും കഴിഞ്ഞ തവണ അറിയിച്ചിരുന്നു. ലോക്‌സഭാ തിരഞ്ഞെടുപ്പിന്റെ സൂചനയായാണ് ഇത് വിലയിരുത്തപ്പെട്ടിരുന്നത്. ഇനി ജനങ്ങള്‍ പറയും, ഞങ്ങള്‍ കേള്‍ക്കുമെന്നും പട്ടേല്‍ പറഞ്ഞു. 2014ല്‍ അധികാരത്തിലെത്തിയ ശേഷം നരേന്ദ്ര മോദിയുടെ 53ാം മന്‍ കി ബാത്താണ് കഴിഞ്ഞ തവണത്തേത്.