യുഡിഎഫിനെ വിജയിപ്പിക്കണമെന്ന എൻഎസ്എസ് ആഹ്വാനം ജനങ്ങൾ തള്ളിയെന്ന് സിപിഎം
എൻഎസ്എസ് വഴി ആർഎസ്എസ് വോട്ട് പിടിക്കാനാണ് കോണ്ഗ്രസ് ശ്രമിച്ചത്. ഒരു സമുദായ സംഘടനയുടെയും കുത്തകയല്ല വട്ടിയൂർക്കാവെന്ന് തിരഞ്ഞെടുപ്പ് ഫലം തെളിയിക്കും.
തിരുവനന്തപുരം: യുഡിഎഫിനെ വിജയിപ്പിക്കണമെന്ന എൻഎസ്എസ് ആഹ്വാനം വട്ടിയൂർക്കാവിലെ ജനങ്ങൾ തള്ളിയെന്ന് സി.പി.എം തിരുവനന്തപുരം ജില്ലാ സെക്രട്ടറി ആനാവൂർ നാഗപ്പൻ. എൻഎസ്എസ് വഴി ആർഎസ്എസ് വോട്ട് പിടിക്കാനാണ് കോണ്ഗ്രസ് ശ്രമിച്ചത്.
ഒരു സമുദായ സംഘടനയുടെയും കുത്തകയല്ല വട്ടിയൂർക്കാവെന്ന് തിരഞ്ഞെടുപ്പ് ഫലം തെളിയിക്കുമെന്നും അദ്ദേഹം പറഞ്ഞു. ആയ്യായിരത്തിൽ അധികം വോട്ടുകൾക്ക് എൽഡിഎഫ് സ്ഥാനാർഥി വി.കെ. പ്രശാന്ത് ജയിക്കുമെന്നും ആനാവൂർ നാഗപ്പൻ കൂട്ടിച്ചേർത്തു.