കുവൈത്തിൽ കൊവിഡ് രോഗികളുടെ എണ്ണത്തിൽ ഇന്നും വൻ വർധനവ്

കുവൈത്ത്: കുവൈത്തിൽ കൊവിഡ് രോഗികളുടെ എണ്ണത്തിൽ ഇന്നും വൻ വർധനവ്. ഇന്ന് കുവൈത്തിൽ പുതുതായി 840 പേർക്കാണ് കൊവിഡ് സ്ഥിരീകരിച്ചത്. എന്നാൽ 555 പേർക്ക് ഇന്ന് രോഗമുക്തി നേടിയിട്ടുമുണ്ട്. ഇതോടെ രോഗബാധിതരുടെ ആകെ എണ്ണം 168250 ഉം രോഗമുക്തി നേടിയവരുടെ എണ്ണം 160098 ആയി ഉയർന്നു.

24 മണിക്കൂറിനിടെ ഒരാൾ മരണപ്പെട്ടു. രാജ്യത്ത് കൊവിഡ് മൂലം മരിച്ചവരുടെ എണ്ണം 962 ആയി. ജനിതകമാറ്റം സംഭവിച്ച വൈറസ് കണ്ടെത്തിയതിനാൽ അതീവ ജാഗ്രത പുലർത്താൻ മന്ത്രാലയം നിർദ്ദേശങ്ങൾ നൽകിയിട്ടുണ്ട്.