ഖത്തറില്‍ ഇന്ന് 463 പേര്‍ക്ക് കൊവിഡ് സ്ഥിരീകരിച്ചു
പുതിയ കണക്കുകള്‍ പ്രകാരം ആകെ രോഗമുക്തരായവരുടെ എണ്ണം 1,50,715 ആയി.
ദോഹ: ഖത്തറില്‍ ഇന്ന് 463 പേര്‍ക്ക് കൊവിഡ് സ്ഥിരീകരിച്ചു. അതേ സമയം 24 മണിക്കൂറിനിടെ 495 പേര്‍ രോഗമുക്തി നേടിയതായും ആരോഗ്യ മന്ത്രാലയം അറിയിച്ചു. ഇന്ന് രോഗം സ്ഥിരീകരിച്ചവരില്‍ 425 പേര്‍ക്ക് സമ്പര്‍ക്കത്തിലൂടെയാണ് രോഗബാധ. 38 പേര്‍ വിദേശരാജ്യങ്ങളില്‍ നിന്നും എത്തിയവരാണ്.
പുതിയ കണക്കുകള്‍ പ്രകാരം ആകെ രോഗമുക്തരായവരുടെ എണ്ണം 1,50,715 ആയി. അതേസമയം രാജ്യത്ത് കൊവിഡ് ബാധിച്ച് ചികില്‍സയില്‍ കഴിയുന്നവരുടെ എണ്ണം 9,917 ആയി കുറഞ്ഞു. ഇന്ന് കൊവിഡ് ചികില്‍സയിലായിരുന്ന ഒരാള്‍ കൂടി മരിച്ചു. ആകെ മരണം 257. ഇന്ന് 91 പേരെ കൂടി ആശുപത്രിയില്‍ പ്രവേശിപ്പിച്ചു. 643 പേരാണ് ഇപ്പോള്‍ ആശുപത്രിയില്‍ ഉള്ളത്. ഇതില്‍ 85 പേര്‍ ഐസിയുവിലാണ്.