ഐപിഎല്‍; എട്ടാം തോല്‍വിയുമായി മുംബൈ ഇന്ത്യന്‍സ് പുറത്തേക്ക്
ക്യാപ്റ്റന്‍ കെ എല്‍ രാഹുലിന്റെ (62 പന്തില്‍ 103 റണ്‍സ്) മികവിലാണ് ലഖ്‌നൗ മികച്ച സ്‌കോര്‍ മുന്നോട്ട് വച്ചത്.
മുംബൈ: തുടര്‍ച്ചയായ എട്ട് തോല്‍വികളുമായി മുംബൈ ഇന്ത്യന്‍സ് ഐപിഎല്‍ പ്ലേ ഓഫ് കാണാതെ പുറത്തേക്ക്. മുംബൈയുടെ ഭാഗ്യ ഗ്രൗണ്ടില്‍ അവരെ തകര്‍ത്തത് ലഖ്‌നൗ സൂപ്പര്‍ ജെയ്ന്റസാണ്. 36 റണ്‍സിന്റെ ജയമാണ് ലഖ്‌നൗ നേടിയത്. 169 റണ്‍സിന്റെ ലക്ഷ്യം പിന്‍തുടര്‍ന്ന മുംബൈക്ക് നിശ്ചിത ഓവറില്‍ എട്ട് വിക്കറ്റ് നഷ്ടത്തില്‍ 132 റണ്‍സ് നേടാനെ കഴിഞ്ഞുള്ളൂ. രോഹിത്ത് ശര്‍മ്മ(39), തിലക് വര്‍മ്മ (38) എന്നിവര്‍ മാത്രമാണ് ഇന്ത്യന്‍സിനായി പിടിച്ചുനിന്നത്. ലഖ്‌നൗവിന്റെ ബൗളര്‍മാര്‍ മികച്ച ബൗളിങാണ് കാഴ്ചവച്ചത്. ക്രുനാല്‍ പാണ്ഡെ മൂന്ന് വിക്കറ്റ് നേടി. മൊഹ്‌സിന്‍ ഖാന്‍, രവി ബിഷ്‌ണോയി, ആയുഷ് ബഡോദിനി, ജാസണ്‍ ഹോള്‍ഡര്‍ എന്നിവരും എല്‍എസ്ജിയ്ക്കായി ഓരോ വിക്കറ്റ് വീതം നേടി.
നേരത്തെ ഈ സീസണിലെ രണ്ടാം ഐപിഎല്‍ സെഞ്ചുറി നേടിയ ക്യാപ്റ്റന്‍ കെ എല്‍ രാഹുലിന്റെ (62 പന്തില്‍ 103 റണ്‍സ്) മികവിലാണ് ലഖ്‌നൗ മികച്ച സ്‌കോര്‍ മുന്നോട്ട് വച്ചത്.