പാറ്റ് കമ്മിന്‍സും ഐപിഎല്ലില്‍ നിന്ന് പുറത്ത്
അഞ്ച് മല്‍സരങ്ങളില്‍ നിന്ന് താരം 63 റണ്‍സും ഏഴ് വിക്കറ്റും നേടിയിരുന്നു.
കൊല്‍ക്കത്ത: കൊല്‍ക്കത്താ നൈറ്റ് റൈഡേഴ്‌സ് പേസര്‍ പാറ്റ് കമ്മിന്‍സിന് ഐപിഎല്ലിലെ ശേഷിക്കുന്ന മല്‍സരങ്ങളില്‍ കളിക്കാനാവില്ല. താരത്തിന്റെ തുടയ്ക്ക് പരിക്കേറ്റതാണ് തിരിച്ചടിയായത്. ഇതോടെ താരം ഓസ്‌ട്രേലിയയിലേക്ക് മടങ്ങും. കെകെആറിന്റെ പ്രധാനപ്പെട്ട താരമായ കമ്മിന്‍സ് കഴിഞ്ഞ മല്‍സരത്തില്‍ മൂന്ന് വിക്കറ്റ് നേടിയിരുന്നു. അഞ്ച് മല്‍സരങ്ങളില്‍ നിന്ന് താരം 63 റണ്‍സും ഏഴ് വിക്കറ്റും നേടിയിരുന്നു. ശ്രീലങ്കയ്‌ക്കെതിരായ ടെസ്റ്റിന് മുമ്പ് പരിക്ക് മാറി ഓസിസ് ടീമിനൊപ്പം ചേരാനുള്ള ആഗ്രഹം കമ്മിന്‍സ് പ്രകടിപ്പിച്ചു. തനിക്കും കുടുംബത്തിനും കെകെആര്‍ ടീം തന്ന പിന്തുണയ്ക്കും സ്‌നേഹത്തിനും കമ്മിന്‍സ് നന്ദി പറഞ്ഞു.