ഒമ്പതില്‍ എട്ട് ജയം; അപൂര്‍വ്വ റെക്കോഡുമായി ഗുജറാത്ത് ടൈറ്റന്‍സ്
നിലവില്‍ ഒമ്പത് മല്‍സരങ്ങളില്‍ നിന്ന് 16 പോയിന്റുമായാണ് ഗുജറാത്ത് ഒന്നാം സ്ഥാനത്ത് നിലയുറപ്പിച്ചത്.
മുംബൈ: ഇന്ത്യന്‍ പ്രീമിയര്‍ ലീഗിലെ പുതിയ ഫ്രാഞ്ചൈസി ആയ ഗുജറാത്ത് ടൈറ്റന്‍സിന്റെ അപരാജിത കുതിപ്പ് തുടരുകയാണ്. കഴിഞ്ഞ ദിവസത്തെ ജയത്തോടെ മറ്റൊരു അപൂര്‍വ്വ റെക്കോഡും ഹാര്‍ദ്ദിക്കിന്റെ ടീമിന് സ്വന്തമായി. ഒമ്പത് മല്‍സരങ്ങളില്‍ എട്ട് ജയവുമായാണ് ടൈറ്റന്‍സിന്റെ പ്രയാണം. ഐപിഎല്‍ ചരിത്രത്തില്‍ ഏഴ് മല്‍സരങ്ങളില്‍ നിന്ന് ആറ് ജയവുമായി രാജസ്ഥാന്‍ റോയല്‍സിന്റെ പേരിലായിരുന്നു(2008) കൂടുതല്‍ ജയം.ഇതേ റെക്കോഡ് 2016ല്‍ ഗുജറാത്ത് ലയണ്‍സും സ്വന്തമാക്കിയിരുന്നു. ടൈറ്റന്‍സിന്റെ നിലവിലെ ഉടമകള്‍ തന്നെയാണ് ലയണസിന്റെയും ഉടമകള്‍. നിലവില്‍ ഒമ്പത് മല്‍സരങ്ങളില്‍ നിന്ന് 16 പോയിന്റുമായാണ് ഗുജറാത്ത് ഒന്നാം സ്ഥാനത്ത് നിലയുറപ്പിച്ചത്. ഒരു മല്‍സരം കൂടി ജയിച്ചാല്‍ ഗുജറാത്തിന് പ്ലേ ഓഫില്‍ കയറാം.