റിയാദ്‌: സൗദി അറേബ്യയിലെ ജിദ്ദയില്‍ നവംബര്‍ 24, 25 തിയതികളില്‍ നടക്കുന്ന 2025 ഇന്ത്യന്‍ പ്രീമിയര്‍ ലീഗ് (ഐപിഎല്‍) മെഗാ ലേലത്തില്‍ മൊത്തം 574 കളിക്കാര്‍ പങ്കെടുക്കുമെന്ന് ഇന്ത്യന്‍ ക്രിക്കറ്റ് കണ്‍ട്രോള്‍ ബോര്‍ഡ് (ബിസിസിഐ) സ്ഥിരീകരിച്ചു. ഇതില്‍ 366 ഇന്ത്യന്‍ താരങ്ങളും 208 വിദേശ താരങ്ങളുമാണ്.
574 കളിക്കാരെ 79 സെറ്റുകളായിട്ടാണ് തിരിച്ചിരിക്കുന്നത്. ഇംഗ്ലണ്ട് പേസര്‍ ജോഫ്ര ആര്‍ച്ചര്‍ താരലേലത്തിനുള്ള താരങ്ങളുടെ പട്ടികയിലില്ല. അതേസമയം 42 കാരനായ ജെയിംസ് ആന്‍ഡേഴ്സണ്‍ ഇടംപിടിച്ചിട്ടുണ്ട്.. 10 ടീമുകള്‍ക്ക് ആകെ 204 താരങ്ങളുടെ ഒഴിവുണ്ട്. അതില്‍ 70 വിദേശ താരങ്ങളാണ്.