ഒളിംപിക്‌സ് ; സുശീല്‍ കുമാറിനെ തള്ളി; സന്ദീപിന് പകരം അമിത് ധന്‍ക്കര്‍
ഏഷ്യന്‍ ചാംപ്യന്‍ഷിപ്പ് ക്വാര്‍ട്ടര്‍ ഫൈനലില്‍ താരം തോറ്റിരുന്നു.
സോഫിയാ: ബള്‍ഗേരിയയില്‍ മെയ്യ് ആറ് മുതല്‍ ഒമ്പത് വരെ നടക്കുന്ന ഒളിംപിക് ഗെയിംസ് യോഗ്യതാ ടൂര്‍ണ്ണമെന്റില്‍ മുന്‍ ലോക ചാംപ്യന്‍ സുശീല്‍ കുമാര്‍ സോളങ്കി മല്‍സരിക്കില്ല. താരത്തെ ഒഴിവാക്കിയാണ് ടൂര്‍ണ്ണമെന്റിനുള്ള ടീമിനെ പ്രഖ്യാപിച്ചത്.74 കിലോഗ്രാം വിഭാഗത്തില്‍ ഇന്ത്യയ്ക്കായി അമിത് ധന്‍ക്കര്‍ മല്‍സരിക്കും. റെസ്ലിങ് ഫെഡറേഷന്‍ ഓഫ് ഇന്ത്യയാണ് അമിത് ധന്‍ക്കറെ തിരഞ്ഞെടുത്തത്. നേരത്തെ സന്ദീപ് സിങ് മാനായിരുന്നു മല്‍സരിക്കേണ്ടത്. മാര്‍ച്ചില്‍ ഇന്ത്യയില്‍ നടന്ന യോഗ്യതാ റൗണ്ടില്‍ താരം രണ്ടാമതായി ഫിനിഷ് ചെയ്തിരുന്നു. ഏഷ്യന്‍ ചാംപ്യന്‍ഷിപ്പ് ക്വാര്‍ട്ടര്‍ ഫൈനലില്‍ താരം തോറ്റിരുന്നു. തുടര്‍ന്നാണ് അമിത് ധന്‍ക്കറിന് അവസരം ലഭിച്ചത്.