ലെബനാനില്‍ കൊല്ലപ്പെട്ടത് 70 ഇസ്രായേലി സൈനികര്‍; തകര്‍ത്തത് 28 മെര്‍ക്കാവ ടാങ്കുകള്‍
ലെബനാനിനെ പ്രതിരോധിക്കാനുള്ള കഴിവ് ഹിസ്ബുല്ലക്കുണ്ടെന്ന് സൈനികവക്താവ് അറിയിച്ചു.
ബെയ്‌റൂത്ത്: ലെബനാനില്‍ അധിനിവേശം നടത്തുന്ന ഇസ്രായേല്‍ സൈന്യത്തിലെ 70 പേര്‍ ഇതുവരെ കൊല്ലപ്പെട്ടതായി ഹിസ്ബുല്ല. 600ല്‍ അധികം പേര്‍ക്ക് പരിക്കേറ്റു. ഒക്ടോബര്‍ ഒന്നിന് അധിനിവേശം തുടങ്ങിയ ശേഷം 28 മെര്‍ക്കാവ ടാങ്കുകളും നാലു ബുള്‍ഡോസറുകളും തകര്‍ത്തു. കൂടാതെ ആറ് അത്യാധുനിക ഹെര്‍മിസ് ഡ്രോണുകളെയും റോക്കറ്റ് ഉപയോഗിച്ച് തകര്‍ത്തു. ലെബനാനിനെ പ്രതിരോധിക്കാനുള്ള കഴിവ് ഹിസ്ബുല്ലക്കുണ്ടെന്ന് സൈനികവക്താവ് അറിയിച്ചു.