നൈജീരിയയില് എണ്ണടാങ്കര് പൊട്ടിത്തെറിച്ച് 94 മരണം
മരണസംഖ്യ ഉയര്ന്നേക്കുമെന്ന് അധികൃതര്
അബൂജ: നൈജീരിയയില് എണ്ണടാങ്കര് പൊട്ടിത്തെറിച്ചുണ്ടായ അപകടത്തില് 94 പേര് മരിച്ചു. ജിഗാവ സംസ്ഥാനത്താണ് അപകടമെന്ന് അധികൃതര് അറിയിച്ചു. മജിയാ പ്രദേശത്ത് റോഡിലൂടെ വരുകയായിരുന്ന എണ്ണടാങ്കര് മറ്റൊരു ലോറിയുമായി കൂട്ടിയിടിക്കുന്നത് ഒഴിവാക്കാന് ശ്രമിച്ചപ്പോള് മറിയുകയായിരുന്നു. സംഭവമറിഞ്ഞ് സ്ഥലത്തെത്തിയ പ്രദേശവാസികള് എണ്ണശേഖരിക്കുമ്പോഴാണ് സ്ഫോടനമുണ്ടായത്.
പരിക്കേറ്റവരെ റിംഗിങ്, ഹദൈജ പ്രദേശത്തെ ആശുപത്രികളിലേക്ക് മാറ്റിയിരിക്കുകയാണ്. മരണസംഖ്യ ഇനിയും ഉയരാന് സാധ്യതയുണ്ടെന്നാണ് അധികൃതരുടെ വിലയിരുത്തല്. 2020ല് മാത്രം 1531 എണ്ണടാങ്കറുകളാണ് നൈജീരിയയില് അപകടത്തില് പെട്ടത്. ഈ അപകടങ്ങളില് 535 പേര് മരിച്ചു.