നേരിട്ട് വാക്‌സിന്‍ നല്‍കുന്ന സംസ്ഥാനങ്ങളുടെ പട്ടികയുമായി ഭാരത് ബയോടെക്; കേരളമില്ല
25 ലക്ഷം ഡോസ് വാക്‌സിനാണ് കേരളം ആവശ്യപ്പെട്ടത്. ഭാരത് ബയോടെക്കുമായി ചര്‍ച്ച തുടരുമെന്ന് സര്‍ക്കാര്‍ അറിയിച്ചു.
ന്യൂഡല്‍ഹി: ഭാരത് ബയോടെക് കോവാക്‌സിന്‍ നേരിട്ട് നല്‍കുന്ന സംസ്ഥാനങ്ങളുടെ ആദ്യ പട്ടികയില്‍ കേരളമില്ല. നേരിട്ട് വാക്‌സിന്‍ നല്‍കുന്ന 14 സംസ്ഥാനങ്ങളുടെ പട്ടിക ഭാരത് ബയോടെക് പ്രസിദ്ധീകരിച്ചു. 25 ലക്ഷം ഡോസ് വാക്‌സിനാണ് കേരളം ആവശ്യപ്പെട്ടത്. ഭാരത് ബയോടെക്കുമായി ചര്‍ച്ച തുടരുമെന്ന് സര്‍ക്കാര്‍ അറിയിച്ചു.
മഹാരാഷ്ട്ര,ഡല്‍ഹി, ഗുജറാത്ത് എന്നിവയടക്കം ആകെ 14 സംസ്ഥാനങ്ങള്‍ക്കാണ് ഭാരത് ബയോടെക് നേരിട്ട് വാക്‌സീന്‍ നല്‍കുക.മെയ് ആദ്യം മുതല്‍ നേരിട്ട് വാക്‌സിന്‍ നല്‍കിവരുന്ന സംസ്ഥാനങ്ങളുടെ പട്ടികയില്‍ ദക്ഷിണേന്ത്യയില്‍ നിന്നും ആന്ധ്രപ്രദേശും തെലങ്കാനയും തമിഴ്‌നാടുമാണുള്ളത്.
അതേസമയം മറ്റു സംസ്ഥാനങ്ങളുടെ ആവശ്യം ലഭ്യതയനുസരിച്ചു പരിഗണിക്കുമെന്നും ഭാരത് ബയോടെക് അറിയിച്ചു.