നാവായിക്കുളത്ത് 11കാരനെ വീട്ടിനുള്ളിലും പിതാവിനെയും മറ്റൊരു മകനെയും കുളത്തില്‍ മരിച്ച നിലയിലും കണ്ടെത്തി
തിരുവനന്തപുരം: നാവായിക്കുളത്തിനു സമീപം 11കാരനെ വീട്ടിനുള്ളില്‍ കൊല്ലപ്പെട്ട നിലയിലും പിതാവിനെയും മറ്റൊരു മകനെയും കുളത്തില്‍ മരിച്ച നിലയിലും കണ്ടത്തി. നൈനാംകോണം സ്വദേശി സഫീര്‍ (38), മക്കളായ അല്‍ത്താഫ് (11), അന്‍ഷാദ് (9) എന്നിവവരാണ് മരിച്ചത്. അല്‍ത്താഫിനെ കൊല്ലപ്പെട്ട നിലയില്‍ വീട്ടില്‍ കണ്ടെത്തുകയായിരുന്നു. തുടര്‍ന്ന് നടത്തിയ അന്വേഷണത്തില്‍ സഫീറിന്റെ ഓട്ടോറിക്ഷ കുളത്തിന് സമീപം കണ്ടെത്തി. ഇതോടെ കുളത്തില്‍ ചാടിയതായി സംശയമുയര്‍ന്നു. തുടര്‍ന്ന് നടത്തിയ തിരച്ചിലില്‍ സഫീറിന്റെയും അന്‍ഷാദിന്റെയും മൃതദേഹം കണ്ടെത്തി. അല്‍ത്താഫിനെ കൊലപ്പെടുത്തിയ ശേഷം ഇളയമകനുമായി സഫീര്‍ കുളത്തില്‍ ചാടിയെന്നാണ് പോലിസ് നിഗമനം. അല്‍ത്താഫ് വീട്ടിനുള്ളില്‍ കഴുത്തറുത്ത് കൊല്ലപ്പെട്ട നിലയിലായിരുന്നു. ഭാര്യയുമായി പിണങ്ങി കഴിയുകയായിരുന്ന സഫീര്‍ മൂത്ത മകനെ കൊലപ്പെടുത്തി ഇളയ മകനെയും കൂട്ടി കുളത്തില്‍ ചാടി മരിച്ചെന്നാണ് പ്രാഥമിക നിഗമനം.
family of three was found dead in Navaikkulam