എന്‍സിഎച്ച്ആര്‍ ഒ കേരള ചാപ്റ്റര്‍: അഡ്വ. കെ സുധാകരന്‍ പ്രസിഡന്റ്, കെ പി ഒ റഹ്മത്തുല്ല ജനറല്‍ സെക്രട്ടറി
കോഴിക്കോട്: ദേശീയ മനുഷ്യാവകാശ ഏകോപന സമിതി (എന്‍സിഎച്ച്ആര്‍ഒ)യുടെ കേരള ചാപ്റ്റര്‍ 2022-24 വര്‍ഷത്തേക്കുള്ള പുതിയ ഭാരവാഹികളായി അഡ്വ. കെ സുധാകരന്‍ (പ്രസിഡന്റ്), എ എം ഷാനവാസ് (വൈസ് പ്രസിഡന്റ്), കെ പി ഒ റഹ്മത്തുല്ല (ജനറല്‍സെക്രട്ടറി), പി നൂറുല്‍ അമീന്‍ (സെക്രട്ടറി), പി വി മുജീബ് റഹ്മാന്‍ ഖജാന്‍ജി എന്നിവരെ തിരഞ്ഞെടുത്തു. കോഴിക്കോട് നടന്ന ജനറല്‍ അസംബ്ലി യോഗത്തിലാണ് തിരഞ്ഞെടുപ്പ് നടന്നത്.
റെനി ഐലിന്‍, അഡ്വ. എം കെ ശറഫുദ്ദീന്‍, ടി കെ അബ്ദുസമദ്, എം ഉസ്മാന്‍, പി സുന്ദര്‍രാജ്, അഡ്വ. മുബഷിര്‍ കുണ്ടൂര്‍, ആഷിക്, അഡ്വ. അബൂബക്കര്‍, ആയിഷ റുമാന, ടി ആദില, അഡ്വ. സി പി അജ്മല്‍ എന്നിവരെ സംസ്ഥാന കമ്മിറ്റി അംഗങ്ങളായി തിരഞ്ഞെടുത്തു. കെ റെയില്‍ എതിരെ ജനാധിപത്യരീതിയില്‍ നടക്കുന്ന ജനകീയ പ്രതിഷേധങ്ങളെ പോലിസ് ഭീകരതയിലൂടെ നേരിടുന്നത് അവസാനിപ്പിക്കണമെന്ന് എന്‍ സി എച്ച് ആര്‍ ജനറല്‍ ബോഡി യോഗം പ്രമേയത്തിലൂടെ ആവശ്യപ്പെട്ടു.