വയോധികയെ കാറില്‍ കയറ്റി പെപ്പര്‍ സ്‌പ്രേ അടിച്ച് സ്വര്‍ണം കവര്‍ന്നു
ഇടപ്പോണ്‍ എ വി മുക്കില്‍ ബസ് കാത്തുനിന്ന തുളസിയമ്മയുടെ സമീപത്ത് സഞ്ജിത്ത് കാര്‍ കൊണ്ടുനിര്‍ത്തി പന്തളത്തേക്കുള്ള വഴി ചോദിച്ചു
ആലപ്പുഴ: ചാരുംമൂടില്‍ വയോധികയെ തട്ടിക്കൊണ്ടുപോയി സ്വര്‍ണാഭരണങ്ങള്‍ കവര്‍ന്ന യുവാവ് അറസ്റ്റില്‍. അടൂര്‍ മൂന്നാളം സഞ്ചിത് ഭവനില്‍ സഞ്ജിത്ത് എസ് നായരാ(44)ണ് പിടിയിലായതെന്ന് പോലിസ് അറിയിച്ചു. ഇടപ്പോണ്‍ ആറ്റുവ ചൈതന്യയില്‍ തുളസിയമ്മ(75)യുടെ സ്വര്‍ണാഭരണങ്ങളാണ് കവര്‍ന്നത്.
പന്തളത്തെ ബാങ്കില്‍ വാര്‍ധക്യപെന്‍ഷന്‍ വാങ്ങാന്‍ പോകാന്‍ ഇടപ്പോണ്‍ എ വി മുക്കില്‍ ബസ് കാത്തുനിന്നതുളസിയമ്മയുടെ സമീപത്ത് സഞ്ജിത്ത് കാര്‍ കൊണ്ടുനിര്‍ത്തി പന്തളത്തേക്കുള്ള വഴി ചോദിച്ചു. വഴി പറഞ്ഞുകൊടുത്തപ്പോള്‍ പന്തളത്തേക്കാണെങ്കില്‍ കാറില്‍ കയറാന്‍ പറഞ്ഞു. വരുന്നില്ലെന്നു പറഞ്ഞിട്ടും നിര്‍ബന്ധിച്ച് കാറിന്റെ പിന്‍സീറ്റില്‍ കയറ്റിയെന്നാണ് പോലിസ് പറയുന്നത്. തുടര്‍ന്ന് മുഖത്ത് പെപ്പര്‍ സ്േ്രപ അടിച്ച് ആഭരണങ്ങള്‍ തട്ടിയെടുക്കുകയായിരുന്നു.