
കൊല്ലം: കര്ണാടകയില്നിന്ന് കാറില് കടത്തി കൊണ്ടുവന്ന 50 ഗ്രാം എംഡിഎംഎയുമായി യുവതി പിടിയിലായി. അഞ്ചാലുംമൂട് സ്വദേശിനി അനിലാ രവീന്ദ്രനെയാണ് ഡാന്സാഫ് സംഘംവും ശക്തികുളങ്ങര പോലിസും സംയുക്തമായി നടത്തിയ റെയ്ഡില് പിടികൂടിയത്. അനില നേരത്തെയും എംഡിഎംഎ കേസില് പ്രതിയാണ്.
കര്ണാടകയില്നിന്നും എത്തിക്കുന്ന ലഹരി മരുന്ന് കൊല്ലം നഗരത്തിലെ സ്കൂളുകളും കോളജുകളും കേന്ദ്രീകരിച്ച് വില്പ്പന നടത്തുന്നയാളാണ് അനില എന്നാണ് വിവരം. ഇത് സംബന്ധിച്ച് പോലിസിന് രഹസ്യവിവരം ലഭിച്ചതിനെത്തുടര്ന്നാണ് അറസ്റ്റ്. വൈകീട്ട് അഞ്ചരയോടെ നീണ്ടകര പാലത്തിന് സമീപത്തുവെച്ച് യുവതിയുടെ കാര് കണ്ടെങ്കിലും പോലിസ് നിര്ത്താന് ആവശ്യപ്പെട്ടെങ്കിലും നിര്ത്തിയില്ല. പിന്നീട് കാര് തടഞ്ഞാണ് യുവതിയെ പിടികൂടിയത്.