കോഴിക്കോട് കാര്‍ മോഷണക്കേസ് പ്രതിയെ പിടിക്കാനെത്തിയ പോലിസുകാര്‍ക്ക് വെട്ടേറ്റു

കോഴിക്കോട്: കാരശേരി വലിയപറമ്പില്‍ പ്രതിയെ പിടിക്കാനെത്തിയ പോലിസുകാര്‍ക്ക് വെട്ടേറ്റു. വയനാട് എസ്പിയുടെ സ്‌ക്വാഡ് അംഗങ്ങളായ ശാലു, നൗഫല്‍ എന്നിവര്‍ക്കാണ് വെട്ടേറ്റത്.വയനാട് കല്‍പ്പറ്റയില്‍നിന്നും മോഷണം പോയ കാര്‍ മോഷണ കേസിലെ പ്രതിയായ കാരശേരി വലിയ പറമ്പ് സദേശി അര്‍ഷാദും മാതാവുമാണ് പോലിസുകാരെ വെട്ടിപരിക്കേല്‍പ്പിച്ചത്. കാര്‍ മോഷണക്കേസ് പ്രതികളെ പിടികൂടാനെത്തിയപ്പോഴായിരുന്നു ആക്രമണം. പ്രതിയുടെ വീട്ടില്‍ വച്ചാണ് പോലിസുകാരെ ആക്രമിച്ചത്.

മൂന്നു പോലിസുകാരാണ് പ്രതിയെ പിടികൂടാനെത്തിയത്. സംഘത്തിലുണ്ടായിരുന്ന വിപിന്‍ എന്ന പോലിസുകാരന്‍ കുറച്ച് ദൂരെയായതിനാല്‍ ആക്രമണത്തില്‍ നിന്ന് രക്ഷപ്പെട്ടു. പരിക്കേറ്റ പോലിസുകാരെ ആശുപത്രിയില്‍ പ്രവേശിപ്പിച്ചു.