തിരൂര്‍ ജില്ലാ ആശുപത്രിയിലെ മോര്‍ച്ചറി അടച്ചു

തിരൂര്‍: ജില്ലാ ആശുപത്രിയിലെ മോര്‍ച്ചറിയുടെ പ്രവര്‍ത്തനം വ്യാഴാഴ്ചവരെ നിര്‍ത്തിവച്ചു. മൃതദേഹങ്ങള്‍ തിരൂരങ്ങാടി താലൂക്കാശുപത്രിയിലേക്കാണ് ഇനി പോസ്റ്റ്‌മോര്‍ട്ടത്തിനു കൊണ്ടുപോവേണ്ടത്.

മോര്‍ച്ചറിക്കു സമീപമുള്ള ഓപറേഷന്‍ തിയറ്റര്‍ കെട്ടിടത്തില്‍ ഏതാനും മാസം മുമ്പ് തീപ്പിടിത്തമുണ്ടായിരുന്നു. തിയേറ്റര്‍ പൊളിച്ചുനീക്കുന്നതിന്റെ ഭാഗമായി മോര്‍ച്ചറി കെട്ടിടത്തിലൂടെ പോവുന്ന വൈദ്യുതി കണക്ഷന്‍ മാറ്റിസ്ഥാപിക്കണം. ഇതിനാലാണ് മോര്‍ച്ചറി അടച്ചത്.