മിന്നലേറ്റ് ചികിൽസയിലായിരുന്ന യുവാവ് മരണപ്പെട്ടു

പെരിന്തൽമണ്ണ: കീഴാറ്റൂർ പഞ്ചായത്ത് നെന്മിനിയിൽ ഇടിമിന്നലേറ്റ് പെരിന്തൽമണ്ണ മൗലാന ആശുപത്രിയിൽ പ്രവേശിപ്പിച്ചിരുന്ന യുവാവ് മരണപ്പെട്ടു. നെന്മിനി റേഷൻ കടയ്കു സമീപം വെള്ളോലി ശശികുമാറിന്റെയും, സുലോചനയുടെയുടെയും മകൻ സജിത്ത് (27) ആണ് മരിച്ചത്.കഴിഞ്ഞദിവസം റോഡരികിലെ ഷെഡ്ഡിൽ ഇരിക്കുമ്പോഴാണ് സജിത്ത് അടക്കം 4 പേർക്ക് ഇടിമിന്നൽ ഏറ്റത്. അതിൽ ഗുരുതരമായി പരിക്കേറ്റത് സജിത്തിനായിരുന്നു. 3 മാസം മുമ്പ് റിയാദിലെ ജോലി മതിയാക്കി നാട്ടിൽ വന്നതാണ്. ഇപ്പോൾ പാണ്ടിക്കാട് - പെരിന്തൽമണ്ണ റൂട്ടിലോടുന്ന ഫ്രണ്ട്സ് ബസ്സിൽ ഡ്രൈവറാണ്. അവിവാഹിതനാണ്. സഹോദരി: സൗമ്യ. മേലാറ്റൂർ പോലിസ് നിയമ നടപടികൾ പൂർത്തിയാക്കി ഉച്ചയ്ക്ക് ശേഷം തിരുവില്വാമല ഐവർ മഠത്തിൽ സംസ്കരിക്കും.