അന്നമനടയില്‍ ബസ്സും വാനും കൂട്ടിയിടിച്ചു

മാള: അന്നമനട വൈന്തലയില്‍ ബസ്സും ബൊലേറോ വാനും കൂട്ടിയിടിച്ച് അപകടം. വാനില്‍ സഞ്ചരിച്ചിരുന്നവരെ പരുക്കുകളോടെ തൃശൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു.

ഇന്നലെ വൈകിട്ട് അഞ്ചിനാണ് വൈന്തല കനാലിനും കടവിനും ഇടയിലുള്ള വളവില്‍വച്ച് അപകടമുണ്ടായത്. മാള അഷ്ടമിച്ചിറയില്‍ നിന്ന് അന്നമനടയിലേക്ക് വരികയായിരുന്ന ആന്‍ മരിയ ബസ് വളവ് തിരിയുന്നതിനിടെ വേഗതയിലെത്തിയ വാന്‍ ഒതുക്കി നിറുത്തുവാന്‍ ശ്രമിക്കുന്നതിനിടെ നിയന്ത്രണം വിടുകയായിരുന്നുവെന്ന് ദൃക്‌സാക്ഷികള്‍ പറയുന്നു.