എംഎല്‍എയ്‌ക്കെതിരായ ജാതി അധിക്ഷേപ കേസ്; പരാതിക്കാരിക്കെതിരേയും കേസ്

ആലപ്പുഴ: കുട്ടനാട് എംഎല്‍എ തോമസ് കെ തോമസ് ജാതീയമായി അധിക്ഷേപിച്ചെന്ന പരാതി നല്‍കിയ യുവതിക്കെതിരേയും പോലിസ് കേസെടുത്തു. എംഎല്‍എയും ഭാര്യയെയും അധിക്ഷേപിച്ചെന്ന പരാതിയില്‍ എന്‍സിപി മഹിളാ വിഭാഗം ജില്ലാ പ്രസിഡന്റ് ജിഷയ്‌ക്കെതിരേയാണ് കേസെടുത്തത്. അതേസമയം, യോഗത്തിന് മുമ്പേ തന്നെ എംഎല്‍എ അസഭ്യം പറഞ്ഞെന്നാണ് ജിഷ പോലിസിന് മൊഴി നല്‍കിയിരിക്കുന്നത്.

പാര്‍ട്ടി അംഗമല്ലാത്ത ഷെര്‍ളി തോമസ് വേദിയില്‍ ഇരുന്നത് ചോദ്യം ചെയ്തപ്പോള്‍ അധിക്ഷേപിച്ചു. ചുമലില്‍ പിടിച്ച് തള്ളിയെന്നും മൊഴിപ്പകര്‍പ്പിലുണ്ട്. യോഗം തുടങ്ങിയപ്പോള്‍ പാര്‍ട്ടി അംഗമല്ലാത്ത ഷെര്‍ളി തോമസ് വേദിയിലിരുന്നു. മണ്ഡലത്തിന് പുറത്തുള്ളവര്‍ വേദി വിടണമെന്ന് ആവശ്യപ്പെട്ടപ്പോള്‍ ജാതിപ്പേര് വിളിച്ച് അധിക്ഷേപിച്ചെന്നും തുടര്‍ന്ന് എംഎല്‍എ ചുമലില്‍ പിടിച്ചുതള്ളിയെന്നുമാണ് പരാതിക്കാരിയുടെ മൊഴി.