കൊവിഡ്: കുവൈത്തില്‍ 2 പേര്‍ കൂടി മരിച്ചു

കുവൈത്ത് സിറ്റി : കുവൈത്തില്‍ കൊറോണ വൈറസ്ബാധയെ തുടര്‍ന്ന് 2 പേര്‍ കൂടി മരിച്ചു. രാജ്യത്ത് കൊറോണ വൈറസ് ബാധയെ തുടര്‍ന്ന് മരിച്ചവരുടെ എണ്ണം ഇതോടെ 308 ആയി. 541പേര്‍ക്കാണു വ്യാഴാഴ്ച്ച കുവൈത്തില്‍ രോഗബാധ സ്ഥിരീകരിച്ചത്. ഇവരില്‍ 283 പേര്‍ സ്വദേശികളാണ്. 616 പേര്‍ ഇന്ന് രോഗമുക്തരായി. 8254 പേരാണ് ഇപ്പോള്‍ ചികില്‍സയില്‍ കഴിയുന്നത്.ഇവരില്‍ 188 പേര്‍ തീവ്ര പരിചരണ വിഭാഗത്തിലാണുള്ളത്.

കുവൈത്തിലെ ആകെ കൊറോണ വൈറസ് ബാധിതരുടെ എണ്ണം 38074 ആയി. ഇതില്‍ 29512 പേര്‍ രോഗമുക്തരായിട്ടുണ്ടെന്നും ആരോഗ്യ മന്ത്രാലയം വക്താവ് അബ്ദുല്ല അല്‍ സനദ് വാര്‍ത്താ സമ്മേളനത്തില്‍ അറിയിച്ചു.