സിപിഎം വനിതകള്‍ക്ക് പരിഗണന നല്‍കുന്ന പാര്‍ട്ടി: കെ കെ ശൈലജ

തിരുവനന്തപുരം: വനിതകള്‍ക്ക് ഏറെ പരിഗണന നല്‍കുന്ന പാര്‍ട്ടിയാണ് സിപിഎം എന്ന് കേന്ദ്ര കമ്മിറ്റിയംഗം കെ കെ ശൈലജ. ഭാവിയില്‍ കേരളത്തിന് വനിതാ മുഖ്യമന്ത്രി വരുമെന്നും കെ കെ ശൈലജ പറഞ്ഞു. വനിതകള്‍ക്ക് ഏറെ പരിഗണന നല്‍കുന്ന പാര്‍ട്ടിയാണ് സിപിഎം എന്ന് കെ കെ ശൈലജ പറഞ്ഞു. പാര്‍ട്ടിയില്‍ വനിതാ പ്രാതിനിധ്യം വര്‍ധിച്ചു വരികയാണെന്നും വനിതകള്‍ മുഖ്യമന്ത്രി ആകുന്നതിന് പാര്‍ട്ടി എതിരല്ലെന്നും അവര്‍ കൂട്ടിചേര്‍ത്തു.

ബ്രാഞ്ച് സെക്രട്ടറി മുതല്‍ ഏരിയ സെക്രട്ടറി വരെയുള്ള തലങ്ങളിലേക്ക് വനിതകള്‍ എത്തി. ഇനി ജില്ലാ സെക്രട്ടറിയായി വനിതകള്‍ വരുമെന്നും കെ കെ ശൈലജ വ്യക്തമാക്കി. സ്ത്രീകളുടെ പങ്കാളിത്തം എല്ലാ മേഖലയിലും വര്‍ധിക്കണമെന്നും അവര്‍ പറഞ്ഞു.