കൊട്ടാരക്കരയില്‍ ആന വിരണ്ടോടി; എംസി റോഡില്‍ ഗതാഗതം സ്തംഭിച്ചു

കൊല്ലം: കൊട്ടാരക്കര വെട്ടിക്കവലയില്‍ ആന വിരണ്ടോടിയത് പ്രദേശവാസികളെ പരിഭ്രാന്തരാക്കി. വിരണ്ട ആന എംസി റോഡില്‍ നിലയിറപ്പിച്ചതിനെ തുടര്‍ന്ന് ആയൂര്‍-കൊട്ടാരക്കര റോഡ് ഗതാഗതം കുറച്ച് നേരെ സ്തംഭിച്ചു.

നെടുമണ്‍കാവ് മണികണ്ഠന്‍ എന്ന ആനയാണ് വിരണ്ടത്. വൈകീട്ട് മൂന്ന് മണിയോടെയാണ് സംഭവം. വിരണ്ട ആന എംസി റോഡിലൂടെ ഏറെ ദൂരം ഓടി. പിന്നീട് ഇടറോഡിലേക്ക് ആന കയറി. ആന വിരണ്ടതോടെ യാത്രക്കാര്‍ പരിഭ്രാന്തരായി.

മറ്റു നാശനഷ്ടങ്ങളൊന്നുമുണ്ടായിട്ടില്ല. ആനയെ തളക്കാനുള്ള ശ്രമങ്ങള്‍ തുടരുകയാണ്. അതേസമയം, ആന ഇപ്പോള്‍ ഞാന്തനാണ്. സ്ഥലത്ത് എലിഫന്റ് സ്‌ക്വാഡും പോലിസും നിലയുറപ്പിച്ചിട്ടുണ്ട്.