മഹാരാഷ്ട്രയില്‍ 24 മണിക്കൂറിനിടെ 161 പോലിസുകാര്‍ക്ക് കൂടി കൊവിഡ്

മുംബൈ: മഹാരാഷ്ട്രയില്‍ കഴിഞ്ഞ 24 മണിക്കൂറിനിടെ 161 പോലിസുകാര്‍ക്ക് കൂടി കൊവിഡ് സ്ഥിരീകരിച്ചു. ഒരു ഉദ്യോഗസ്ഥന്‍ കൊവിഡ് ബാധിച്ചു മരിച്ചു. ആകെ 14,953 പോലിസുകാര്‍ക്കാണ് മഹാരാഷ്ട്രയില്‍ കൊവിഡ് സ്ഥിരീകരിച്ചത്. ഇതില്‍ 2,800 പേര്‍ ചികില്‍സയിലാണ്. 11,999 പേര്‍ കൊവിഡ് മുക്തരായി. 154 പോലിസുകാരാണ് കൊവിഡ് ബാധിച്ച് മരിച്ചത്.

രാജ്യത്ത് ഏറ്റവും കൂടുതല്‍ കൊവിഡ് കേസുകള്‍ റിപോര്‍ട്ട് ചെയ്യപെട്ട സംസ്ഥാനങ്ങളില്‍ ഒന്നാണ് മഹാരാഷ്ട്ര. ഇന്നലെ സംസ്ഥാനത്ത് 16,867 പേര്‍ക്കാണു രോഗം സ്ഥിരീകരിക്കപ്പെട്ടത്. ഇതോടെ സംസ്ഥാനത്തെ രോഗികളുടെ എണ്ണം 7,64,281 എത്തി. 24,103 പേര്‍ക്കാണ് ജീവന്‍ നഷ്ടമായത്. 1,85,131 രോഗികളാണ് ഇപ്പോള്‍ ചികില്‍സയിലുള്ളത്.