മഥുര കൃഷ്ണ ജന്മഭൂമി: ബിജെപിക്ക് പങ്കില്ലെന്ന് അമിത് ഷാ

ന്യൂഡല്‍ഹി: മഥുരയിലെ കൃഷ്ണ ജന്മഭൂമിയിലാണ് ഷാഹി ഈദ്ഗാഹ് പള്ളിയെന്നും അത് നീക്കം ചെയ്യണമെന്നും ആവശ്യപ്പെട്ട് സമര്‍പ്പിച്ച ഹരജിയില്‍ കേന്ദ്രവും ബിജെപിയും ഉള്‍പ്പെടുന്നില്ലെന്ന് കേന്ദ്ര ആഭ്യന്തരമന്ത്രി അമിത് ഷാ. ചില സംഘടനകള്‍ സ്വന്തമായി കോടതിയെ സമീപിച്ചതായും സര്‍ക്കാരുമായി ഒരു ബന്ധവുമില്ലെന്നും ഷാ പറഞ്ഞു.

ബിജെപി കോടതിയിലോ മറ്റെവിടെയെങ്കിലുമോ ഇതിന്റെ കക്ഷിയല്ല, അതിനാല്‍ ഇതിനെക്കുറിച്ച് അഭിപ്രായം പറയുന്നില്ലെന്നും അദ്ദേഹം വ്യക്തമാക്കി. രാമ ജന്മഭൂമിയും പ്രസ്ഥാനവും പാര്‍ട്ടിയുടെ അജണ്ടയായിരുന്നെങ്കിലും മഥുര വിഷയത്തില്‍ ബിജെപിക്ക് പങ്കില്ലെന്നും അമിത് ഷാ പറഞ്ഞു.