ദീര്‍ഘകാലം അജ്മാനില്‍ ഇമാമായി സേവനമനുഷ്ഠിച്ച് തിരിച്ചുപോകുന്ന മാവൂര്‍ മുഹമ്മദ് മൗലവിക്ക് യാത്രയയപ്പ് നല്‍കി

അജ്മാന്‍; 44വര്‍ഷം അജ്മാന്‍ ഔഖാഫിന് കീഴില്‍ ഇമാമായി സേവനമനുഷ്ഠിച്ച് നാട്ടിലേക്ക് തിരിച്ചു പോവുന്ന കോഴിക്കോട് സ്വദേശി മാവൂര്‍ മുഹമ്മദ് മൗലവിക്ക് അജ്മാന്‍ കേരളാ പ്രവാസി ഫോറം യാത്രയയപ്പ് നല്‍കി.

നീണ്ട വര്‍ഷം ഔക്കാഫിലെ ഇമാമായി സേവനമനുഷ്ഠിക്കാന്‍ കിട്ടിയ അവസരം വലിയ അനുഗ്രഹമായിട്ടാണു കാണുന്നത് എന്ന് മുഹമ്മദ് മൗലവി പറഞ്ഞു. ഇതുവരെ നല്‍കിയ സേവനത്തിനു ഔഖാഫ് മൗലവിയെ പ്രത്യേകം ആദരിച്ചിരുന്നു.

അജ്മാന്‍ കേരള പ്രവാസി ഫോറം നല്‍കിയ യാത്രയയപ്പില്‍ മുഹമ്മദ് അലി കട്ടയില്‍ മൊമന്റൊ നല്‍കി ആദരിച്ചു. മുസദ്ദിക്ക് ഇത്തിക്കാട്, സജീര്‍ കട്ടയില്‍, സുബൈര്‍ പട്ടാമ്പി തുടങ്ങിയവര്‍ പങ്കെടുത്തു. ആദരവിനു മുഹമ്മദ് മൗലവി നന്ദി പറഞ്ഞു.