കേരള പ്രവാസി ഫോറം ഷാര്‍ജ സ്വാതന്ത്ര്യ ദിനം ആഘോഷിച്ചു

ഷാര്‍ജ: രാജ്യം പിന്നിട്ട 74 സംവല്‍സരങ്ങള്‍ എന്ന ശീര്‍ഷകത്തില്‍ കേരള പ്രവാസി ഫോറം ഷാര്‍ജ ഇന്ത്യയുടെ 75ാം സ്വതന്ത്ര്യ ദിന ആഘോഷം സൂം സെമിനാറിലൂടെ സംഘടിപ്പിച്ചു. നസീര്‍ ചുങ്കത്തിന്റെ അധ്യക്ഷതയില്‍ ചേര്‍ന്ന യോഗത്തില്‍ ബാസിര്‍ സ്വാഗതവും റഷീദ് മാസ്റ്റര്‍ മുഖ്യ പ്രഭാഷണവും നടത്തി. തുടര്‍ന്ന് വിദ്യാര്‍ത്ഥികളുടെ കലാ പരിപാടികള്‍ നടന്നു. നിയാസ് ആകോട് പ്രോഗ്രാം നിയന്ത്രിച്ചു. പ്രവാസി ഇന്ത്യക്കാരായ മുതിര്‍ന്ന ആരോഗ്യ പ്രവര്‍ത്തകരെ ആദരിച്ചു. കഴിഞ്ഞ നാല് പതിറ്റാണ്ടായി ആതുര സേവന രംഗത്തെ മികച്ച സേവനത്തിന് പാവങ്ങളുടെ അശ്രിതന്‍ എന്ന് അറിയപ്പെടുന്ന ഷാര്‍ജയിലെ അബൂബക്കര്‍ ക്ലിനിക് ഉടമ ഡോക്ടര്‍ അബൂബക്കറിനെയും,കണ്‍സള്‍ട്ടന്റ് പോളിമെഡികില്‍ കഴിഞ്ഞ മുപ്പത് വര്‍ഷമായി പ്രാക്ടീസ് ചെയ്യുന്ന ഗുജറാത്ത് സ്വദേശി ഡോക്ടര്‍ മഹമൂദ് ഹുസൈന്‍ ആസാദിനെയും ആദരിച്ചു. അല്‍ സഹ അല്‍ ഷിഫ ഹോസ്പിറ്റലലിലെ ഗ്രൂപ്പ് സിഇഒ ജയന്‍ കെ യെയും ആരോഗ്യ രംഗത്തെ മികച്ച പ്രവര്‍ത്തനത്തിന് ആദരിച്ചു. നെജീബ് എടപ്പാള്‍ നന്ദി പ്രകാശിപ്പിച്ചു.