പിക്കപ്പ് ലോറിയും പാലിയേറ്റീവ് കെയര്‍ വാഹനവും കൂട്ടിയിടിച്ചു; മൂന്ന് പേര്‍ക്കു പരുക്ക്

മണ്ണാര്‍ക്കാട്: അലനല്ലൂരില്‍ പിക്കപ്പ് ലോറിയും എത്തെനാട്ടുകര പാലിയേറ്റീവ് കെയര്‍ സൊസൈറ്റിയുടെ വാഹനവും കൂട്ടിയിടിച്ചു. പാലിയേറ്റീവ് കെയര്‍ വാഹനത്തിലെ ഡ്രൈവര്‍ അഫ്‌സല്‍, നഴ്‌സ് ഫസീല, വോളന്റിയര്‍ അബ്ദുള്‍ ഹസീബ് എന്നിവര്‍ക്കു നിസാര പരുക്കേറ്റു. ഇവരെ മണ്ണാര്‍ക്കാട് വട്ടമ്പലത്തെ സ്വകാര്യ ആശുപത്രിയില്‍ പ്രവേശിപ്പിച്ചു.

ശനിയാഴ്ച വൈകിട്ട് നാലോടെ അലനല്ലൂര്‍ ക്രൗണ്‍ ഓഡിറ്റോറിയത്തിന് സമീപമാണ് അപകടം. അലനല്ലൂര്‍ ഭാഗത്തേക്ക് പോവുകയായിരുന്ന പിക്കപ്പ് ലോറിയുടെ ടയര്‍ പൊട്ടിയതിനെ തുടര്‍ന്ന് നിയന്ത്രണം വിട്ട് എതിരെ വന്ന പാലിയേറ്റീവ് കെയര്‍ വാഹനത്തില്‍ ഇടിക്കുകയായിരുന്നു എന്നാണ് വിവരം. ഇടിയുടെ ആഘാതത്തില്‍ പാലിയേറ്റീവ് പാലിയേറ്റീവ് വാഹനം തലകീഴായി മറിഞ്ഞു.