പി.ഡബ്‌ള്യു.ഡി ഓഫീസിലേക്ക് മാര്‍ച്ച് നടത്തി

പരപ്പനങ്ങാടി:യാത്രക്കാര്‍ക്ക് അപകടകരമാകും വിധം പരപ്പനങ്ങാടി കടലുണ്ടിറോഡില്‍അയ്യപ്പന്‍കാവ് ഭാഗത്ത് വീണു കിടക്കുന്ന വന്‍മരം മാറ്റാത്തതില്‍ പ്രതിഷേധിച്ച് പരപ്പനാട് ഡവലപ്‌മെന്റ് ഫോറം (പി.ഡി.എഫ്) പരപ്പനങ്ങാടി പി.ഡബ്‌ള്യു.ഡി ഓഫീസിലേക്ക് മാര്‍ച്ച് നടത്തി. താനൂര്‍ റോഡില്‍ റെയില്‍വേ സ്‌റ്റേഷന്‍ പരിസരത്ത് നിന്നാരംഭിച്ച മാര്‍ച്ച് പി.ഡബ്ല്യു.ഡി ഓഫീസിന് സമീപം പൊലീസ് തടഞ്ഞു. തുടര്‍ന്ന് ഓഫീസര്‍ക്ക് നിവേദനം നല്‍കി. മനാഫ് താനൂര്‍, ഷാജി മുത്താത്തംതറ, പി.പി അബൂബക്കര്‍, പി രാമാനുജന്‍, റഫീഖ് ബോംബെ, ഖാജാ മുഹിയദ്ധീന്‍, സി.സി.എ ഹക്കീം, ഏനു കായല്‍മഠത്തില്‍, മുജീബ് കോഴിശ്ശേരി തുടങ്ങിയവര്‍ നേതൃത്വം നല്‍കി