തോല്‍പ്പെട്ടിയില്‍ രേഖകളില്ലാതെ കടത്തിയ 35 ലക്ഷം രൂപ പിടിച്ചെടുത്തു

തോല്‍പ്പെട്ടി: വയനാട് തോല്‍പ്പെട്ടി ചെക്ക് പോസ്റ്റില്‍ രേഖകളില്ലാതെ കടത്താന്‍ ശ്രമിച്ച 35 ലക്ഷം രൂപ എക്‌സൈസ് സംഘം പിടിച്ചെടുത്തു. കര്‍ണാടകയില്‍ നിന്ന് വന്ന കെ എ 22 എം ബി 8538 കാറില്‍ നിന്നാണ് 34,97,500 രൂപ പിടിച്ചെടുത്തത്.

സംഭവവുമായി ബന്ധപ്പെട്ട് ജര്‍ഖണ്ഡ് സ്വദേശി അവിനാഷിനെ അറസ്റ്റ് ചെയ്ത് പോലിസില്‍ ഹാജരാക്കി.

എക്‌സ്സൈസ് പ്രിവന്റീവ് ഓഫിസര്‍ പി കെ പ്രഭാകരന്‍, സിഇഒ സന്തോഷ് കൊമ്പ്രാക്കണ്ടി, സിപിഒ രോഹിത് തുടങ്ങിയവരാണ് പണം പിടികൂടിയ സംഘത്തിലുണ്ടായിരുന്നത്.