മാളയില്‍ എസ്ഡിപിഐ തിരഞ്ഞെടുപ്പ് കമ്മിറ്റി ഓഫിസുകള്‍ ഉദ്ഘാടനം ചെയ്തു

മാളഃ സോഷ്യല്‍ ഡെമോക്രാറ്റിക്ക് പാര്‍ട്ടി ഓഫ് ഇന്ത്യ (എസ്ഡിപിഐ) വെള്ളാങ്കല്ലൂര്‍ ഗ്രാമപഞ്ചായത്തിലെ വാര്‍ഡ് 13ലും 10ലും തിരഞ്ഞെടുപ്പ് കമ്മിറ്റി ഓഫിസുകള്‍ ഉദ്ഘാടനം ചെയ്തു. മണ്ഡലം പ്രസിഡന്റ് മജീദ് പുത്തന്‍ചിറ ഉദ്ഘാടനം നിര്‍വ്വഹിച്ചു. മണ്ഡലം കണ്‍വീനര്‍ റിയാസ് മാള സ്ഥാനാര്‍ഥികളായ എ കെ മനാഫ് വേണീ കൃഷ്ണ, വാര്‍ഡ് കണ്‍വീനര്‍മാരായ മന്‍സൂര്‍ പള്ളിനട, ഹുസൈന്‍ തുടങ്ങിയവര്‍ സംസാരിച്ചു. കുഴൂര്‍ ഗ്രാമപഞ്ചായത്ത് വാര്‍ഡ് എട്ടില്‍ ടി എം തസ്‌നിയും പൊയ്യ ഗ്രാമപഞ്ചായത്ത് വാര്‍ഡ് എട്ടില്‍ സുറുമി നാസറും എസ് ഡി പി ഐ സ്ഥാനാര്‍ത്ഥികളായി മത്സരിക്കുന്നുണ്ട്. വിവേചനമില്ലാത്ത വികസനത്തിന് എന്ന മുദ്രാവാക്യവുമായി സ്ഥാനാര്‍ത്ഥികള്‍ കണ്ണട ചിഹ്നത്തിലാണ് ജനിവിധി തേടുന്നത്.