ഹിമാചലില്‍ ഇതുവരെ 4,780 കൊവിഡ് ബാധിതര്‍, 25 മരണം

ഷിംല: ഹിമാചല്‍ പ്രദേശില്‍ ഇതുവരെ 4,780 പേര്‍ക്ക് കൊവിഡ് സ്ഥിരീകരിച്ചതായി സംസ്ഥാന ആരോഗ്യമന്ത്രാലയം അറിയിച്ചു. നിലവില്‍ സംസ്ഥാനത്ത് 1,438 കൊവിഡ് രോഗികളുണ്ട്. 3,268 പേര്‍ രോഗമുക്തരായി. 25 പേര്‍ രോഗംബാധിച്ച് മരിക്കുകയും ചെയ്തു.

ഇന്ത്യയില്‍ ഇതുവരെ 30 ലക്ഷത്തോളം പേര്‍ക്ക് കൊവിഡ് സ്ഥിരീകരിച്ചു. ലോകത്തില്‍ ഏറ്റവും വേഗത്തില്‍ രോഗം വ്യാപിക്കുന്ന രാജ്യങ്ങളിലൊന്നാണ് ഇന്ത്യ. കഴിഞ്ഞ 24 മണിക്കൂറിനുളളില്‍ 69,878 പേര്‍ക്ക് രോഗം സ്ഥിരീകരിച്ചു.

ഇന്ത്യയില്‍ ഇതുവരെ രോഗം ബധിച്ചവരുടെ എണ്ണം കേന്ദ്ര ആരോഗ്യ കുടുംബക്ഷേമ മന്ത്രാലയത്തിന്റെ കണക്കുപ്രകാരം 29,75,702 ആണ്. ഇതില്‍ 6,97,330 സജീവരോഗികളും 22,22,578 രോഗമുക്തരും ഉള്‍പ്പെടുന്നു. ഇന്ന് മാത്രം 945 പേര്‍ക്ക് കൊവിഡ് ബാധിച്ച് ജീവന്‍ നഷ്ടപ്പെട്ടിട്ടുണ്ട്. രാജ്യത്ത് കൊവിഡ് മൂലം മരിച്ചവര്‍ ആകെ 55,794 ആയി.