തെലങ്കാനയില്‍ 983 പേര്‍ക്ക് കൊവിഡ്

ഹൈദരാബാദ്: തെലങ്കാനയില്‍ കഴിഞ്ഞ 24 മണിക്കൂറിനുളളില്‍ 983 പേര്‍ക്ക് കൊവിഡ് സ്ഥിരീകരിച്ചു. ആരോഗ്യവകുപ്പ് പുറത്തിറക്കിയ പ്രതിദിന ആരോഗ്യ ബുള്ളറ്റിനിലാണ് ഇക്കാര്യം സ്ഥിരീകരിച്ചത്. രാജ്യത്ത് ഏറെ വേഗതയില്‍ കൊവിഡ് വ്യാപനം നടക്കുന്ന സംസ്ഥാനങ്ങളിലൊന്നാണ് ഇപ്പോള്‍ തെലങ്കാന.

ഇതോടെ സംസ്ഥാനത്തെ ആകെ രോഗികളുടെ എണ്ണം 67,660 ആയി. അതില്‍ 18,500 സജീവ കേസുകളും ഉള്‍പ്പെടുന്നു. 48,609 പേര്‍ രോഗമുക്തരായി. ഇതുവരെ 551 പേര്‍ക്കാണ് രോഗം മൂലം ജീവന്‍ നഷ്ടപ്പെട്ടത്.

രാജ്യത്ത് കഴിഞ്ഞ 24 മണിക്കൂറിനുള്ളില്‍ 52,972 പേര്‍ക്ക് രോഗം സ്ഥിരീകരിച്ചു. 771 പേര്‍ക്ക് ജീവന്‍ നഷ്ടപ്പെടുകയും ചെയ്തു. ഇതുവരെയുളള കൊവിഡ് ബാധിതരുടെ എണ്ണം 18,03,696 ആണ്. അതില്‍ സജീവ രോഗികള്‍ 5,79,357. 11,86,203 പേര്‍ രോഗമുക്തി നേടി. 38,135 പേര്‍ മരിച്ചു.