ഉന്നത വിജയികളെ ആദരിച്ചു

പരപ്പനങ്ങാടി: പരപ്പനങ്ങാടി നഗരസഭ പരിധിയിലെ എസ്എസ്എല്‍സി, പ്ലസ്ടു പരീക്ഷയില്‍ മുഴുവന്‍ വിഷയങ്ങള്‍ക്കും എ പ്ലസ് ലഭിച്ചവരുടേയും എല്‍എസ്എസ്, യുഎസ്എസ് പരീക്ഷകളില്‍ ഉന്നത വിജയം കരസ്ഥമാക്കി വരേയും മലപ്പുറം ജില്ലാ കലക്ടര്‍ ജാഫര്‍ മാലിക് മൊമെന്റോ നല്‍കി ആദരിച്ചു. ചെയര്‍പേഴ്‌സണ്‍ വി വി ജമീല ടീച്ചറുടെ അധ്യക്ഷതയില്‍ എംഎല്‍എ പി കെ അബ്ദു റബ്ബ് പരിപാടി ഉദ്ഘാടനം ചെയ്തു. കലക്ടര്‍ മുഖ്യ പ്രഭാഷണം നടത്തി.

ചടങ്ങില്‍ ഡെപ്യുട്ടി കലക്ടര്‍ ചൗധരി, വൈസ് ചെയര്‍മാന്‍ എച്ച് ഹനീഫ, എം സി നസീമ, റസിയ സലാം, എം ഉസ്മാന്‍, എ ഉസ്മാന്‍, ദേവന്‍ ആലുങ്ങല്‍, തുളസീദാസ്, റഹിയാനത്ത് (സിഡിഎസ്), രാഷ്ട്രീയ നേതാക്കളായ പി ഒ സലാം, ഗിരീഷ് തോട്ടത്തില്‍ ജഗന്നിവാസന്‍, സെക്രട്ടറി കെ ബി വിശ്വനാഥന്‍, സാജു മാര്‍ട്ടിന്‍ തുടങ്ങിയവര്‍ സംസാരിച്ചു. ചടങ്ങില്‍ അഗതി രഹിത കേരള പദ്ധതിയുടെ ഭക്ഷണകിറ്റ് 244 പേര്‍ക്ക് നല്‍കി. എസ്എസ്എല്‍സി, പ്ലസ്ടു തുല്യത പരീക്ഷയുടെ രജിസ്‌ട്രേഷനും നടന്നു.