യുഡിഎഫിന് ഇത് നിര്‍ണായകം: മൂന്നാമതൊരു ശക്തി വളരുന്നുവെന്ന് കെ സുധാകരന്‍

കണ്ണൂര്‍: യുഡിഎഫിന് ഇത് നിര്‍ണായകമായ തിരഞ്ഞെടുപ്പാണെന്നും കേരളത്തിന്റെ രാഷ്ട്രീയ സ്വഭവം മാറിക്കൊണ്ടിരിക്കുകയാണെന്നും കെ.സുധാകരന്‍ എം.പി. ഇരിക്കൂറില്‍ തിരഞ്ഞെടുപ്പ് കണ്‍വെന്‍ഷനില്‍ പങ്കെടുത്ത് സംസാരിക്കുകയായിരുന്നു സുധാകരന്‍. 'ഇത് നിര്‍ണായകമായ തിരഞ്ഞെടുപ്പാണ്. എല്ലാ കാലവും ഞാനും നിങ്ങളും പറയും അഞ്ച് വര്‍ഷം യുഡിഎഫ് അഞ്ച് വര്‍ഷം എല്‍ഡിഎഫ് എന്ന്. ഇക്കുറി അങ്ങനെ ആണെന്ന് കരുതരുത്. കേരളത്തിന്റെ രാഷ്ട്രീയ സ്വഭാവം മാറികൊണ്ടിരിക്കുകയാണ്. ഇവിടെ മൂന്നാമതൊരു പ്രസ്ഥാനം ഉയര്‍ന്നുവരുന്നുണ്ട്. പക്ഷേ അവര്‍ ശക്തരല്ല. എന്നാല്‍ അവര്‍ ശക്തരാകുന്ന നടപടിയിലേക്ക് യുഡിഎഫിന്റെ പരാജയം നയിക്കുമെന്ന ഓര്‍മ ഓരോരുത്തര്‍ക്കും വേണം. ജയിക്കണം. അധികാരത്തിലേക്ക് തിരിച്ച് വരണം' സുധാകരന്‍ പറഞ്ഞു.

യുഡിഎഫ് അധികാരത്തിലെത്തിയാല്‍ പിണറായി വിജയന്‍ കല്‍തുറുങ്കിലേക്ക് പോകുമെന്നത് ഉറപ്പു നല്‍കകയാണെന്നും സുധാകരന്‍ പറഞ്ഞു. കൊള്ളക്കാരനും ഉളുപ്പില്ലായ്മയുടെ പ്രതീകവുമാണ് പിണറായി വിജയനെന്നും സുധാകരന്‍ കൂട്ടിച്ചേര്‍ത്തു.