രാജ്യത്ത് രണ്ട് കൊവിഡ് വാക്‌സിനും ആന്റി വൈറല്‍ മരുന്നിനും അനുമതി
ന്യൂഡല്‍ഹി: രാജ്യത്ത് രണ്ട് കൊവിഡ് വാക്‌സിനു കൂടി കേന്ദ്ര സര്‍ക്കാര്‍ അടിയന്തര ഉപയോഗത്തിനുള്ള അനുമതി നല്‍കി. കൂടാതെ ആന്റി വൈറല്‍ മരുന്നിനും അനുമതി നല്‍കിയിട്ടുണ്ട്.
കോര്‍ബെവാക്‌സ്, കൊവൊവാക്‌സ് എന്നീ വാക്‌സിനുകള്‍ക്കാണ് പുതുതായി അനുമതി നല്‍കിയിട്ടുള്ളത്. ഇപ്പോള്‍ അനുമതി നല്‍കിയിട്ടുള്ള ആന്റി വൈറല്‍ മരുന്നായ മോള്‍നുപിരാവിറും അടിയന്തര സാഹചര്യത്തില്‍ മാത്രമേ ഉപയോഗിക്കാവൂ.
ആര്‍ബിഡി പ്രോട്ടീന്‍ സബ് യൂനിറ്റ് വാക്‌സിനായ കോര്‍ബെവാക്‌സ് ഹൈദരാബാദിലെ ബയോലോജിക്കല്‍ -ഇയാണ് വികസിപ്പിച്ചെടുത്തത്. ഇന്ത്യയില്‍ ഉല്‍പ്പാദിപ്പിക്കുന്ന മൂന്നാമത്തെ വാക്‌സിനാണ് ഇതെന്ന് ആരോഗ്യമന്ത്രി മന്‍സുഖ് മാണ്ഡവ്യ ട്വീറ്റ് ചെയ്തു.
ഭാരത് ബയോടെക്കിന്റെ കൊവാക്‌സിനും സിറം ഇന്‍സ്റ്റിറ്റിയൂട്ടിന്റെ കൊവിഷീല്‍ഡുമാണ് ഇന്ത്യയില്‍ നിര്‍മിക്കുന്ന വാക്‌സിനുകള്‍. ഇതില്‍ കൊവിഷീല്‍ഡ് ഓക്‌സ്ഫഡ് സര്‍വകലാശാലയും ആസ്രാസെനക്കയും സംയുക്തമായാണ് വികസിപ്പിച്ചത്.
നാനോ പാര്‍ട്ടിക്കിള്‍ വാക്‌സിനായ കൊവൊവാക്‌സ് പൂനെയിലെ എസ്‌ഐഐ ആണ് വികസിപ്പിച്ചത്.
ഇതോടെ ഇന്ത്യയില്‍ എട്ട് കൊവിഡ് വാക്‌സിനാണ് അനുമതിയുളളത്- കൊവിഷീല്‍ഡ്, കൊവാക്‌സിന്‍, സൈകൊവ് ഡി, സ്പുട്‌നിക് 5, മൊഡേര്‍ണ, ജോണ്‍സന്‍ ആന്റ് ജോണ്‍സന്‍, കോര്‍ബെവാക്‌സ്, കൊവൊവാക്‌സ്.
ആന്റി വൈല്‍ മരുന്നായ മോള്‍നുപിരാവിര്‍ രാജ്യത്ത് 13 കമ്പനികളാണ് നിര്‍മിക്കുന്നത്. പ്രായപൂര്‍ത്തിയായവരില്‍ അടിയന്തര സാഹചര്യത്തില്‍ ഉപയോഗിക്കാം. അതും രോഗം ഗുരുതരമാവുന്ന സാഹചര്യത്തില്‍.
സിപ്ല, മിലന്‍, ടൊറന്റ്, എംക്യൂര്‍, സണ്‍ ഫാര്‍മ എന്നീ കമ്പനികള്‍ക്കാണ് മോള്‍നുപിരാവിര്‍ നിര്‍മിക്കാനുള്ള അനുമതി നല്‍കിയിട്ടുള്ളത്.
ആധാര്‍ കാര്‍ഡിലെ തിരുത്തലുകള്‍ക്ക് പുതിയ നിബന്ധനകള്‍
23 Nov 2024 2:24 PM GMT''ഷാ-മോദി സഖ്യത്തിന്റെ ലാന്‍ഡ് ജിഹാദ്, ലവ് ജിഹാദ് പ്രചാരണം പൊളിഞ്ഞു''...
23 Nov 2024 11:24 AM GMTവിജയത്തോടടുത്ത് മഹായുതി; വോട്ടര്‍മാരോട് നന്ദി പറഞ്ഞ് ഏകനാഥ് ഷിന്‍ഡെ;...
23 Nov 2024 11:00 AM GMTകര്‍ണാടക ഉപതിരഞ്ഞെടുപ്പില്‍ ബിജെപിക്ക് തിരിച്ചടി; മൂന്ന് സീറ്റിലും...
23 Nov 2024 10:08 AM GMTഔറംഗബാദ് ഈസ്റ്റില്‍ ഇഞ്ചോടിഞ്ച് പോരാട്ടത്തിനൊടുവില്‍ എഐഎംഐഎം...
23 Nov 2024 8:36 AM GMTപഞ്ചാബ് ഉപതിരഞ്ഞെടുപ്പ്; എഎപി മൂന്ന് സീറ്റില്‍ മുന്നില്‍; ഒരിടത്ത്...
23 Nov 2024 8:24 AM GMT
