അടുത്ത നിയമസഭാ തിരഞ്ഞെടുപ്പില്‍ മല്‍സരിക്കാന്‍ തയ്യാറായിക്കഴിഞ്ഞെന്നു രജനീകാന്ത്

ചെന്നൈ: അടുത്ത തമിഴ്‌നാട് നിയമസഭാ തിരഞ്ഞെടുപ്പില്‍ മല്‍സരിക്കാന്‍ തയ്യാറായിക്കഴിഞ്ഞതായി രജനീകാന്ത്. ലോക്‌സഭാ തിരഞ്ഞെടുപ്പിനൊപ്പം 22 സീറ്റുകളിലേക്കു നിയമസഭാ ഉപതിരഞ്ഞെടുപ്പും നടക്കുന്നുണ്ട് തമിഴ്‌നാട്ടില്‍. ഇതിന്റെ ഫലം അണ്ണാ ഡിഎംകെക്കു തിരച്ചടിയായാല്‍ മന്ത്രിസഭ തകരുകയും നിയമസഭാ തിരഞ്ഞെടുപ്പ് നടക്കുകയും ചെയ്യും. അങ്ങനെ വന്നാല്‍ മല്‍സരരംഗത്തുണ്ടാവുമോ എന്ന മാധ്യമപ്രവര്‍ത്തകരുടെ ചോദ്യത്തിനു മറുപടിയായാണ്, മല്‍സരത്തിനു തയ്യാറായിക്കഴിഞ്ഞതായി രജനീകാന്ത് വ്യക്തമാക്കിയത്. അടുത്ത മാസം 23നു നടക്കുന്ന വോട്ടെണ്ണലിനു ശേഷം ഇക്കാര്യത്തില്‍ വ്യക്തമായ തീരുമാനം കൈക്കൊള്ളുമെന്നും 2017ല്‍ രാഷ്ട്രീയ പ്രവേശം പ്രഖ്യാപിച്ച നടന്‍ പറഞ്ഞു.