മുസ്‌ലിങ്ങളെ കൊല്ലും രാജ്യത്ത് നിന്ന് പുറത്താക്കും, ഇത് ഹിന്ദുരാഷ്ട്രം; വിഷംചീറ്റി സ്വയം പ്രഖ്യാപിത ആള്‍ ദൈവം ലേഡി അഘോരി

ഹൈദരാബാദ്; മുസ്‌ലിംങ്ങള്‍ക്കും ക്രിസ്ത്യാനികള്‍ക്കുമെതിരേ വിഷം ചീറ്റുന്ന പ്രസ്താവനകളുമായി സ്വയം പ്രഖ്യാപിത ഹിന്ദു ആള്‍ ദൈവം ലേഡി അഘോരി. ക്ഷേത്രങ്ങള്‍ സംരക്ഷിക്കണമെന്നും ഞാന്‍ മുസ്‌ലിംങ്ങളെയും ക്രിസ്ത്യാനികളെയും റോഡുകളില്‍ കണ്ടാല്‍ വസ്ത്രങ്ങള്‍ വലിച്ച് കീറുകയും ്അവരെ കൊല്ലുകയും ചെയ്യുമെന്നാണ് ലേഡി അഘോരി വിവാദ വീഡിയോയില്‍ വിളിച്ചുപറയുന്നത്. വീഡിയോയില്‍ ഇവരുടെ ഒപ്പം മറ്റൊരാള്‍ കൂടി ഇരിക്കുന്നുണ്ട്. ഇത് ഹിന്ദു രാജ്യമാണെന്നും ഹിന്ദുക്കള്‍ക്ക് മാത്രമേ ഇവിടെ താമസിക്കാവൂ എന്നും അഘോരി പറയുന്നുണ്ട്.

ഹിന്ദുക്കളെ മാത്രം ഇവിടെ നിലനിര്‍ത്തേണ്ടത് എന്റെ ഉത്തരവാദിത്വമാണ്. ഇഷ്ടമുള്ളവര്‍ക്ക് ഏത് ആയുധവും എടുത്തവരാമെന്നും എന്നെ നേരിടാന്‍ ആര്‍ക്കും അധികാരമില്ലെന്നും അവര്‍ വീഡിയോയില്‍ പറയുന്നുണ്ട്. അഘോരി സ്ത്രീയുടെ സാന്നിധ്യം ക്രമസമാധനം തകര്‍ക്കുന്നതിനാല്‍ ഇവരെ പല സ്ഥലങ്ങളില്‍ നിന്നും വിലക്കാറുണ്ട്. മുമ്പും വിവാദ പരാമര്‍ശങ്ങള്‍ നടത്തിയ ഇവരുടെ പേരില്‍ നിരവധി കേസുകളുമുണ്ട്. പുരുഷനായ ഇവര്‍ നാഗ സാധുവായി ലേഡി അഘോരി എന്ന പേരില്‍ സ്വയം അവരോധിക്കുകയായിരുന്നു.