ഗുജറാത്ത്: ബിജെപി മുന്‍ എം എല്‍ എയുടെ കൊലപാതകം- ബിജെപി നേതാവായ മുഖ്യപ്രതി വിദേശത്തു പോയതായി റിപ്പോര്‍ട്ട്

അഹമ്മദാബാദ്: ഗുജറാത്തിലെ ബി ജെ പി മുന്‍ എം എല്‍ എ ജയന്തി ഭാനുശാലി ട്രെയിനില്‍ വെടിയേറ്റു കൊല്ലപ്പെട്ട കേസിലെ മുഖ്യപ്രതിയും ബി ജെ പി നേതാവുമായ ഛാബില്‍ പട്ടേല്‍ യു എസിലേക്ക് കടന്നതായി റിപ്പോര്‍ട്ട്. ചൊവ്വാഴ്ച രാവിലെ പട്ടേല്‍ യു എസിലേക്കു പോയെന്നാണ് പ്രത്യേക അന്വേഷണ സംഘത്തിലെ ഡി എസ് പി ജഗദീഷ് സിങ് റോള്‍ പറഞ്ഞു. തിങ്കളാഴ്ച രാത്രിയാണ് വെടിയേറ്റ് ഭാനുശാലി കൊല്ലപ്പെടുന്നത്. പട്ടേലും മകന്‍ സിദ്ധാര്‍ത്ഥും ചേര്‍ന്നാണ് കൊല ആസൂത്രണം ചെയ്തതെന്നു ഭാനുശാലിയുടെ കുടുംബം ആരോപിച്ചു. രാഷ്ട്രീയ വൈരാഗ്യത്തിന്റെ പേരിലായിരുന്നു കൊലയെന്നും ബന്ധുക്കള്‍ ആരോപിച്ചു.